Cubewano
Un cubewano, chamado tamén obxecto clásico do cinto de Kuiper (en inglés, classical Kuiper belt object, CKBO), é un obxecto transneptuniano que evoluciona no cinto de Kuiper.
.png)
Estes obxectos localízanse a gran distancia de Neptuno e non están controlados polas forzas gravitacionais nin deste planeta nin doutros. As súas órbitas, non obstante, mantéñense estables por ser case circulares como as dos planetas; a esta similitude cos planetas débese o nome de obxectos "clásicos" do cinto de Kuiper. O seu raio de revolución medio localízase entre as 42 e as 48 UA. A teoría da súa formación é idéntica á dos planetas, por acreción lenta de materia do disco protoplanetario. Porén, a baixa densidade de materia detectada nesa rexión leva a algúns científicos a imaxinar que estes obxectos se formaron máis preto do Sol para emigrar posteriormente á súa posición actual, despois da migración de Neptuno.
Nome
O nome cubewano deriva do primeiro obxecto desta clase, o 1992 QB1; os seguintes obxectos desta clase denomináronse ao principio os QB1-os, e logo "cubewanos". En inglés QB-1 pronúnciase /kju:bi wʌn/.
Membros da familia dos cubewanos
- 1992 QB1 é o primeiro obxecto transneptuniano descuberto dende a descuberta de Plutón e Caronte.
- Varuna (900 km), primeiro grande obxecto transneptuniano descuberto no cinto.
- Quaoar, que foi o obxecto transneptuniano máis grande coñecido ata o descubrimento de Sedna en 2003.
- 1998 WW31, que foi o primeiro obxecto transneptuniano binario coñecido á parte de Plutón e Caronte.
- 2014 MU69.
- (58534) Logos, sobresae por posuír un satélite, Zoé.
 | Este artigo sobre astronomía é, polo de agora, só un bosquexo. Traballa nel para axudar a contribuír a que a Galipedia mellore e medre. Existen igualmente outros artigos relacionados con este tema nos que tamén podes contribuír. |