Doctor Sleep (filme de 2019)

Doctor Sleep (comercializado tamén co título Stephen King's Doctor Sleep) é un filme estadounidense de 2019 dirixido por Mike Flanagan. Baséase na novela homónima de 2013 escrita por Stephen King, unha secuela doutra novela de King, The Shining. O filme, que tamén é unha secuela directa do filme The Shining, dirixido por Stanley Kubrick, está ambientado varias décadas despois dos eventos da historia orixinal e mestura elementos da novela de 1977 tamén. Doctor Sleep foi escrito, dirixido e editado por Mike Flanagan, e está protagonizado por Ewan McGregor como Danny Torrance, un home con habilidades psíquicas que tenta superar os traumas da súa nenez. Rebecca Ferguson, Kyliegh Curran e Cliff Curtis intepretan os papeis secundarios.^[5][6] No filme, un xa adulto Dan Torrance debe protexer unha rapaza con poderes semellantes dun culto coñecido como "The True Knot", que cazan nenos con habilidades psíquicas para permanecer inmortais.

Doctor Sleep
Ficha técnica
Título orixinal	Doctor Sleep
Director	Mike Flanagan
Produtor	Trevor Macy Jon Berg
Guión	Mike Flanagan
Baseado en	Doctor Sleep de Stephen King
Intérpretes	Ewan McGregor Rebecca Ferguson Kyliegh Curran Cliff Curtis
Música	The Newton Brothers
Fotografía	Michael Fimognari
Montaxe	Mike Flanagan
Estudio	Intrepid Pictures Vertigo Entertainment
Distribuidora	Warner Bros. Pictures
Estrea	Europa: 31 de outubro de 2019 8 de novembro de 2019
Duración	152 minutos (estrea nos cinemas) 181 minutos (corte do director)
Orixe	Estados Unidos
Xénero	Terror
Orzamento	45 millóns de dólares[1][2]
Recadación	72,3 millóns de dólares[3][4]
Filme anterior	The Shining
Na rede
http://www.doctorsleepmovie.net

Warner Bros. Pictures comezou a desenvolver unha adaptación cinematográfica de Doctor Sleep pouco despois de que a novela fose publicada no ano 2013. O produtor e guionista Akiva Goldsman escribiu un guión, mais o estudio non asegurou un orzamente para o filme até o éxito de recadación do filme de terror It, que tamén está baseado nunha novela de King. Flanagan foi contratado para reescribir o guión de Goldsman e para dirixir o filme. Flanagan dixo que o filme tentaría reconciliar as diferenzas entre a novela e o filme de The Shining. A rodaxe comezou en setembro de 2018 en Xeorxia, incluíndo Atlanta e as áreas limítrofes, e rematou en decembro de 2018.

Warner Bros. Pictures lanzou Doctor Sleep en todo o mundo a partir do 31 de outubro de 2019, e nos Estados Unidos o 8 de novembro de 2019. O filme recibiu valoracións positivas por parte da crítica, que louvou as interpretacións e a atmosfera, mais con certas reticencias pola súa duración.^[7] Cunha recadación de $72 millóns en todo o mundo, a súa acollida polo público foi considerada decepcionante en comparación co éxito doutras adaptacións de novelas de King como It Chapter Two e Pet Sematary.^[8]