Hydra (xénero)

Hydra Hidras
Hydra viridissima
Clasificación científica
Reino: Animalia Filo: Cnidaria Clase: Hydrozoa Orde: Anthoathecata Suborde: Aplanulata Familia: Hydridae Dana, 1846 Xénero: Hydra Linnaeus, 1758
Especies
Véxase o texto

Hydra é un xénero de cnidarios da clase dos hidrozoos, orde dos antoatecados, suborde dos aplanulados, que é o tipo da familia dos hídridos,^[1] da que é o seu único representante.

As súas especies, propias das augas doces e salgadas e coñecidas vulgaemente como hidras,^[2] son pequenos pólipos que miden tan só uns poucos milímetros, son depredadores, capturando pequenas presas do plancto cos seus tentáculos provistas de cnidocito, células urticantes. Son hermafroditas e reprodúcense tanto asexual como sexualmente.

Teñen un asombroso poder de rexeneración, ao que alude o seu nome, que provén da criatura da mitoloxía grega co mesmo nome, á cal, cando se lle cortaba unha das súas cabezas, crecían dúas no seu lugar.