Luis Miguel
Luis Miguel Gallego Basteri, nado en San Xoán, Porto Rico, o 19 de abril é un cantante e produtor musical mexicano nado en Porto Rico. Coñecido por ser un dos cantantes latinos máis populares da historia,[1] gravou en estilos como pop, jazz, big band, bolero, mariachi, baladas románticas etc. Vendeu máis de 118 millóns de álbums na súa carreira.[2]
Traxectoria
Primeiros anos e controversias familiares
Fillo de Luisito Rey, o seu pai iniciouno moi cedo no mundo do espectáculo musical, sendo acusado de explotación infantil e de drogalo para cantar. Rey foi acusado de diversas estafas e falsificacións ao longo da súa vida, e tamén foi acusado de explotación infantil, repetindo a súa propia historia (el mesmo cantaba nos bares aos seis anos) e de drogar ao seu fillo cando estaba extenuado, para que seguise a cantar.[3][4]
A tutela de Luisito Rey sobre Luís Miguel durou até 1988, cando o primoxénito chegou á maioría de idade e decidiu substituír o seu pai como manager.[5][6]
A nai de Luís Miguel, Marcella Basteri, decidira mudarse en 1986 á súa cidade natal de Carrara, Italia, levando consigo ao seu fillo máis novo.[7][8] Máis tarde, Marcella desapareceu misteriosamente, e nunca máis se soubo do seu paradoiro.[9] Luisito Rey foi acusado da morte da súa esposa.[4]
Carreira musical
Luis Miguel é recoñecido como o único cantante latino da súa xeración que non pasou ao mercado angloparlante durante a "Latin Explosion" dos anos 90.
Luis Miguel gañou cinco Grammy e catro Latin Grammy, entre outros.[2] É un dos máis recoñecidos pola Recording Academy USA e o máis novo en gañar o premio para cantantes latinos, con 15 anos por un dúo coa cantante escocesa Sheena Easton sobre o tema Me gustas tal como eres, nese mesmo ano foi subcampión do Festival de Sanremo con Noi, ragazzi di oggi.
En 1987, gravou "Sin Hablar" en dúo con Laura Branigan. En 1994, cantou con Frank Sinatra e o seu álbum entrou na lista de Billboard. En 1999, inicia unha relación con Mariah Carey e, en 2001, participou nun proxecto de Michael Jackson xunto a artistas como Celine Dion, Gloria Estefan, Ricky Martin, Cristian Castro, Laura Pausini, Shakira, Thalía, Mariah Carey, Alejandro Sanz, Julio Iglesias e Carlos Santana.
En 1999, con 29 anos, converteuse no artista latino en directo máis visto da historia da música. Luis Miguel gañou os premios máis demandados da industria musical, como unha estrela no Paseo da Fama en Hollywood e nove premios Grammy.[10]
Discografía
- Un Sol (1982)
- Directo al Corazón (1982)
- Decídete (1983)
- Palabra de Honor (1984)
- Amándote a la Italiana (1985)
- También es Rock (1986)
- Soy Como Quiero Ser (1987)
- Busca una Mujer (1988)
- 20 Años (1990)
- Romance (1991)
- Aries (1993)
- Segundo Romance (1994)
- Nada es Igual (1996)
- Romances (1997)
- Amarte es un Placer (1999)
- Mis Romances (2001)
- 33 (2003)
- México en la Piel (2004)
- Navidades (2006)
- Cómplices (2008)
- Luis Miguel (2010)
- ¡México por siempre! (2017)
Notas
Véxase tamén
Ligazóns externas
- Páxina oficial
- Luis Miguel, a serie (2021, tempada 2) crítica: un recomendable biopic de Netflix (espinof.com, en castelán)