Maitreya

Maitreya (en sánscrito), Metteyya (en pali), Maithree (en cingalés), Jampa (en tibetano) ou Di-Lặc (vietnamita), é considerado o Buda futuro na escatoloxía budista. Nalgúns textos budistas, como o Sutra de Amitabha e o Sutra do Loto, é chamado Ajita.

Segundo a tradición budista, Maitreya é un bodhisattva que aparecerá na Terra nun futuro, completará a iluminación, e ensinará dharma máis puro. Segundo as escrituras, Maitreya será o sucesor do Buda actual, Gautama Buddha (tamén coñecido como Śākyamuni Buddha).^[1][2] A profecía da chegada de Maitreya refírese a un tempo no futuro no que o dharma estará esquecido pola maioría da poboación do mundo. Esta profecía atópase na literatura canónica das grandes escolas do budismo, incluíndo a Theravāda, a Mahāyāna e a Vajrayāna.