Mariner 5
Mariner 5 foi unha sonda espacial estadounidense lanzada o 14 de xuño de 1967 mediante un foguete Atlas Agena D desde o Centro Espacial de Cabo Cañaveral para estudar Venus.[1][2][3]
Mariner 5 | |
---|---|
Mariner 5. | |
Tipo | Científico |
Organización | NASA |
Destino actual | En órbita heliocéntrica, fóra de servizo.[1][2][3] |
Data de lanzamento | 14 de xuño de 1967, 6:01 GMT[1][4][5][6] |
Foguete portador | Atlas Agena D[1][3] |
Sitio de lanzamento | Centro Espacial de Cabo Cañaveral, rampla 12[1][2] |
Obxectivo da misión | Estudo de Venus.[1][2] |
NSSDC ID | 1967-060A |
Masa | 244,9 kg[1] |
Características
Mariner 5 pertenceu ó programa Mariner da NASA e foi a quinta do seu tipo. Mariner 5 era a nave de substitución en caso de fallo da Mariner 4, enviada a Marte, pero dado o éxito desta última decidiuse usar á Mariner 5 nunha misión a Venus.[1][2][3]
A nave estabilizábase nos tres eixos, usando o Sol e Canopus como referencia e pasou a 4000 km sobre as nubes de Venus o 19 de outubro de 1967, facendo medicións do campo magnético interplanetario, das partículas cargadas e do plasma, así como refractividade para ondas de radio da atmosfera venusiana e as súas emisións ultravioleta.[1][2][3]