Mark Owen

Take That: 1990-96

Take That formouse en 1990 e durante o seu tempo co grupo Owen tivo a voz principal nunha canción por primeira vez, cando Gary Barlow compuxo "Babe" porque quería que el a cantase.

A pesar de que Owen non era sempre a voz principal, era o membro máis popular do grupo, a causa do seu bo aspecto xuvenil e o seu comportamento doce, gañou premios con regularidade nos Smashes Hit's como "O home máis quente do mundo" ou "Mellor corte de cabelo".

Take That: 2005-actualidade

Mark foi completamente aclamado pola crítica en The Ultimate Tour, xira de regreso de Take That en 2006. Despois da xira, Universal propuxo á banda a creación dun novo álbum, e pouco tempo despois lanzouse un novo álbum de estudio titulado, Beautiful World. Tres sinxelos foron promovidos no Reino Unido: Patience (en 2006), Shine (en 2007), que alcanzaron o número un nas listas, e I'd Wait for Life en xuño de 2007, que se posicionou no posto 17. A banda embarcouse en The Beautiful World Tour a finais de 2007, que lles levou por toda Europa e que resultou ser outro éxito. Foi lanzado un DVD do concerto celebrado no O2 Arena de Londres.

Green Man

Após a separación de Take That, Owen converteuse no segundo do ex-membros da banda en lanzar un álbum en solitario. Alcanzou o número tres no UK Singles Chart co seu sinxelo debut, "Child". Seu segundo sinxelo, "Clementine", tamén chegou ao posto número tres. No 1997, seu álbum debut, Green Man foi lanzado á venda, chegando ao número 33. O segundo sinxelo, "I Am What I Am", chegou ao número 29. Pero Owen foi eliminado por BMG Recors a finais de 1997. O álbum foi re-lanzado en 2003, co título "Green Man: Revisited". O álbum foi re-editado polo éxito do seu segundo álbum de estudio.

In Your Time

Despois de ser invitado a actuar no escenario con Robbie Williams en Knebworth, regresou aos escenarios e asinou un contrato con Island/Universal Records. En agosto de 2003, Owen regresou ás listas de éxitos co hit, "Four Minute Warning", (escrito en conxunto co seu amigo Gary Barlow) que se mantivo no Top 40 durante oito semanas. O seu segundo álbum, In Your Own Time, foi lanzado en novembro de 2003, entrando nas listas no número 59.

How The Mighty Fall

En abril de 2004 estableceu a súa propia compañía discográfica, Sedna Records. Un informe en 2004, afirmou que Owen estaba a buscar un traballo, pero el simplemente dixo: "Facer un traballo como este, ben, non é barato. Estas son as miñas indulxencias. Non teño un Ferrari, teño dous álbums". Mark lanzou o seu terceiro álbum en solitario, How The Mighty Fall en 2005, que foi gravado nos estudos Sunset, Os Ánxeles en 2004. En febreiro de 2006 publicou "Hail Mary" como sinxelo do álbum.

The Art of Doing Nothing

En xuño de 2013, Mark, lanza o seu cuarto álbum de estudio en solitario, The Art of Doing Nothing ("A arte de non facer nada"), con Polydor Records.

Álbums

Título	Detalles do álbum	Posición nas listas
		RU	AUT	BÉL (FLA)	BÉL (WAL)	FIN	ALE	ITA	IRL	XPN	NL	ESC	ESP	SUI
Green Man	Lanzamento: 2 de decembro de 1996 Discográfica: RCA Formatos: CD	33	28	25	40	27	46	15	—	93	62	—	3	22
In Your Own Time	Lanzamento: 3 de novembro de 2003 Discográfica: Island Formatos: CD	59	—	—	—	—	—	—	—	—	—	—	—	—
How the Mighty Fall	Lanzamento: 18 de abril de 2005 Discográfica: Sedna Formatos: CD	78	—	—	—	—	56	—	—	—	—	—	—	—
The Art of Doing Nothing	Lanzamento: 7 de xuño de 2013 Discográfica: Polydor Formatos: CD, Descarga dixital	29	—	76	160	—	—	22	67	—	—	36	—	—
"—" significa que non chegou ás listas dese país.

• Take That
• Robbie Williams