Procónsul (primate)

Proconsul Rango fósil: Mioceno
Reconstrución Esqueleto de Proconsul
Clasificación científica
Reino: Animalia Filo: Chordata Clase: Mammalia Orde: Primates Superfamilia: Hominoidea Familia: † Proconsulidae Subfamilia: Proconsulinae Xénero: Proconsul Hopwood, 1933
Especies
P. africanus P. heseloni P. major P. nyanzae

Proconsul foi un xénero da orde dos primates que viviu durante o Mioceno en África, cunha datación de entre 18 e 14 millóns de anos de antigüidade. Os primeiros restos deste espécime descubríronse en 1909 en Kenya, con todo o descubrimento máis importante débese a Mary Leakey en 1948 nas proximidades do lago Vitoria. O procónsul combina trazos dos simios e dos monos. Carecían de cola, o volume do seu cerebro era semellante ao dos actuais xibóns, tiñan brazos longos que probablemente usaban para abalarse por entre as árbores e presentaban un diformismo sexual moi acusado. Pola súa dentame, con caninos grandes e molares pequenos, pénsase que se alimentaba de froitas, que quizais podía complementar con pequenos animais. Débelle o nome Arthur Hopwood que en 1933 cuñou o termo xa que se cría na época falsamente que estes primates eran antecesores dos chimpancés e Cónsul era como se coñecía xenericamente os chimpancés que actuaban nos circos.