Salmonella enterica subsp. enterica
Salmonella enterica | |||||||||||||||||
---|---|---|---|---|---|---|---|---|---|---|---|---|---|---|---|---|---|
Colonias de Salmonella Typhimurium nunha placa de ágar entérico Hektoen | |||||||||||||||||
Clasificación científica | |||||||||||||||||
| |||||||||||||||||
Serovar | |||||||||||||||||
etc. |
Salmonella enterica subsp. enterica é unha subespecie bacteriana da especie Salmonella enterica, unha bacteria con forma de bacilo, flaxelada, aerobia, gramnegativa.[1] A subespecie está dividida en moitos serovares. Forman parte desta subespecie moitos dos serovares patóxenos de S. enterica; por exemplo os serovares Salmonella Typhi, Salmonella Paratyphi ou Salmonella Typhimurium, entre outros.[2] (Para a súa correcta escritura ver máis abaixo).
Serovares
Existen máis de 2500 serovares coñecidos de Salmonella enterica subsp. enterica; na seguinte lista só se indican os máis salientables.
- Salmonella Choleraesuis
- Salmonella Dublin
- Salmonella Enteritidis
- Salmonella Gallinarum
- Salmonella Hadar
- Salmonella Heidelberg
- Salmonella Infantis
- Salmonella Paratyphi
- Salmonella Typhi
- Salmonella Typhimurium
- Salmonella Genrus
Nomenclatura
O nome que se utiliza para os serovares pode ser completo ou acurtado.[3] Na forma curta indícase o xénero (empezando con maiúscula e cursiva), Salmonella, seguido do serovar (con maiúscula pero non en cursiva). Por exemplo, Salmonella Typhi, para o caso do serovar Typhi.
Cando se escribe o nome completo débese indicar a especie, subespecie e serovar, que no exemplo anterior sería: Salmonella enterica subsp. enterica, serovar Typhi.
Á súa vez, cada serovar ten moitas cepas, o cal fai que se incremente moito o número de bacterias antixenicamente variables.[4]
A nomenclatura formalizada actual[5][6] non concorda cos usos tradicionais, que aínda se ven na literatura, nos que se escribían Salmonella typhi, Salmonella typhimurium etc. como especies.[7]
Epidemioloxía
- Artigo principal: Salmonelose.