Senpai e kōhai

Senpai (先輩, literalmente «compañeiro de antes») e kōhai (後輩, literalmente «compañeiro de despois») son termos provenientes do xaponés que describen unha relación interpersoal informal que está presente nas organizacións, asociacións, clubs, empresas e escolas do Xapón.^[1][2]

A relación senpai-kōhai é propiamente interdependente, xa que un senpai precisa dun kōhai e viceversa,^[3] e a relación estabelecida queda determinada pola data de entrada na organización.^[1] O concepto ten a base na filosofía xaponesa e perdurou dentra desta sociedade.^[4]