Slogan
O slogan[1] é unha frase simple, curta, orixinal e impactante que acompaña ao logotipo ou á marca, dando a coñecer o atractivo desta mediante numerosos recursos estilísticos como a onomatopea. Este, debe mostrar os beneficios principais que o diferencian doutras marcas ou produtos e crear no consumidor unha necesidade de compra.
A finalidade principal do slogan é perdurar o máximo tempo posible na mente do consumidor.
Características formais
- Economía lingüística[2]: Debe ser unha frase curta, sinxela e directa. Debe resumir o significado do que se quere transmitir na mínima expresión posíbel, para desta forma favorecer a memorabilidade.
- Estética:[2] Deben ser atractivos non unicamente desde o sentido semántico, senón tamén desde o formal. Empregando diferentes recursos estilísticos, debe ser apegadiza para que se fixe na mente do consumidor.
- Concisión:[2] Debido a importancia da selección das palabras adecuadas en función dos obxectivos, para así mostrar os beneficios do produto, marca ou servizo, mostrando a súa efectividade fronte os seus competidores e crear unha necesidade de compra.
- Sonoridade: [2]Para facilitar o recordo, pode acompañarse de imaxes, ritmos...
Tipos de slogan
Descritivo
Os slogans descritivos[3] levan a cabo unha descrición das características ou vantaxes dun produto, servizo ou marca.
En forma de orde
Este tipo de slogans adoitan ser moi útiles debido ao seu carácter de transmisión dunha orde directa e concreta.
Emocional
Os slogans emocionais[3], tamén coñecidos como "slogans persuasivos", buscan conmover ao espectador e encamiñalo á compra dun ben ou servizo guiado polos seus sentimentos e emocións.
A súa finalidade é que o público cree un lazo ou asociación sentimental coa marca.
Co nome da marca
Este tipo de slogans contribúen a reforzar o recordo da marca na mente do consumidor debido á súa alusión expresa, unha característica que aumenta a efectividade do mesmo.