Tratado Dous Máis Catro

O Tratado Dous máis Catro tamén chamado Tratado sobre o acordo final con respecto a Alemaña foi un acordo asinado en 1990 entre a República Federal de Alemaña (RFA), a República Democrática Alemá (RDA) e mailas catro potencias que ocuparon a Alemaña nazi tralo fin da segunda guerra mundial en Europa: Francia, o Reino Unido, os Estados Unidos e maila Unión Soviética.

O Tratado facilitou o camiño para a reunificación alemá e foi asinado o 12 de setembro de 1990 en Moscova, entrando en vigor o 15 de marzo de 1991, data do depósito dos derradeiros documentos de ratificación nunha cerimonia oficial.^[1][2]