Riden Baruadi Gallery
Riden Baruadi Gallery botiya galeri tuwawu u hepohutuwaliyo tililahepa kegiatan, bilulo'aliyo to dalalo Raja Eyato, kelurahan Limba B, kecamatan Kota Selatan, Kota Gorontalo, Provinsi Gorontalo, Indonesia.[1]
Etimologi
Riden Baruadi Gallery asali lo taheliyo lonto Riden Baruadi, tanggulo ta ohu'uwo lo galeri. Tiyo botiya tala ngotaliyo lo fotografer latunga to lipu lo Hulontalo.
Kegiatan
Timi'idu taawunu Riden Baruadi Galleri hemohutu kegiatan. Monto kegiatan pameran fotografi, lukisan wawu mobaca lo puisi hepohutuwo to galeri botiya.
Menegaskan Gorontalo
Kegiatan pameran lukisan wawu patung bungaliyo pilohutu to galeri botiya tilanggulaliyo "Menegaskan Gorontalo". 22 lota soniman lonto Hulontalo, Bali, Malang, wawu Palu lopobilohu ilomata limongoliyo to galeri botiya, tanggal 21-30 Nopember 2015.[2][3]
Beyond Nature
Beyond Nature tanggulo kegiatan pameran lukisan pilohutu tanggal 21-30 Nopember 2016. Woluwo 41 (wopatopula tuwawu) lo pita foto ilomata li Riden Baruadi lohihilawo u pilopobilohiyo to pameran botiya. Foto-foto botiya hasili u ma tilekeniliyo taawunu 1990-an sambe 2000-an.[4]
Tadarus Puisi
Tadarus puisi botiya kegiatan ti'imidu taawunu lo lembo'a soni to Hulontalo. Timi'idu taawunu timongoliyo hipohutuwa acara mobaca puisi. To taawunu botiya kegiatan botiye pilohutu lomongoliyo to galeri Riden Baruadi. Lonto tanggal 26 -30 Desember 2016, wopahuyi timongoliyo hipobacawa puisi tutumbuta diila ohuheliliyo, dulahu wawu huyi. Soniman lo Gorontalo wawu masyarakat lohimo'a to acara botiye. Timongoliyo hipobacawa puisi lo penyair Indonesia odelo te Goenawan Mohammad, Acep Zam Zam Noor, Sutardji Calzoum Bachri, dan Afrizal Malna.[5]
On Paper
Tanggal 21-30 Nopember 2017, to Galeri Riden Baruadi maa pilohutuwaliyo pameran pooli. Kegiatan pameran botiya tangguliyo "On Paper", lopotadengo polukis duulota, te Pipin Idris wawu te Fandhy Rais.[6][7]