Ագարես

Ագարեսը հայտնվում է բարեկիրթ ծերունու տեսքով, նա նստած է կոկորդիլոսի վրա, իսկ ձեռքի վրա նստած է ճուռակ, ում նա մեկ թողում է, մեկ հետ կանչում։

Նա ստիպում է կանգնածներին տեղում վազել և հետ է վերադարձնում վազողներին։ Դա իր բանակին, որը նա կառավարում է, մեծ հաջողություն է բերում։

Նա գիտի բոլոր լեզուները, ներառլայ մեռած լեզուները։ Նա կարող է, ինչպես հոգևորական, աշխարհիկ մարդկանց զրկել իրենց կոչումներից և հատկանիշներից։ Բացի այդ նա կարող է երկրաշարժ առաջացնել։

Համաձայն «Աստվածային անուններ» գրքի, որտեղ ցուցադրված է դևերի դասակարգումը՝ Ագարեսը պատկանում է երրորդ խմբին^[2]։

Համաձայն «Grand Grimoire»-ի (17-րդ դար)՝ Ագարեսը համարվում է երեք ամենաուժեղ հոգիներից մեկը (Բաալի և Մարբասի հետ), որոնք անպատճառ ենթարկվում են Լյուցիֆեր Ռոֆոկալեին (անգլ.՝ Lucifuge Rofocale)՝ Սատանայի առաջին օգնականին։

• Ագարեսի կերպարը օգտագործվել է «Civilization IV: Beyond the Sword: — Fall from Heaven II» խաղում, որտեղ ընկած հրեշտակ Ագարեսը դժոխքի կառավարիչներից մեկն է։ Կրակե դև Գիբերոմը Ագարեսի աջ ձեռքն է, համարվում է խաղի դևերի ռասայի կերպարներից մեկը։
• Ագարեսի անունը և կերպարը օգտագործվում է ֆենտեզի ժանրի խաղերում, որպես երկորդական կերպարներից մեկը։ Նրա կերպարը և անունը օգտագործվել է Ալեքսանդր Ռուդազովի «Արխիմագ» վեպում, որտեղ նա Էլիգոր լեգիոնի կառավարիչն էր և այն երեսուն դևերից մեկը, ում արխիմագ Կրեոլը կարողացավ պայմանագրով կանչել։
• Համարվում է «Ապոկալիպսիս Welcome», «Ապոկալիպսիս Welcome: Սարսափելի դատ 3D» և «Արմագեդոն Լայթ» գրքերի գլխավոր կերպարներից մեկը։