Անորա
«Անորա» (անգլ.՝ Anora), կատակերգադրամատիկ ֆիլմ[1], որը նկարահանել է Շոն Բեյքերը։ Գլխավոր դերերում նկարահանվել են Մայքի Մեդիսոնը, Մարկ Էյդելշտեյնը և Յուրա Բորիսովը։ Ֆիլմում նկարահավել են նաև հայ դերասաններ Վաչե Թովմասյանն ու Կարեն Կարագուլյանը։ Ֆիլմի պրեմիերան կայացել է 2024 թվականի մայիսի 21-ին Կաննի կինոփառատոնում, որտեղ ֆիլմն արժանացել է «Ոսկյա արմավենու ճյուղի»։
Անորա անգլ.՝ Anora | |
---|---|
Երկիր | ԱՄՆ |
Ժանր | հումորային դրամա |
Թվական | մայիսի 21, 2024 |
Լեզու | անգլերեն |
Ռեժիսոր | Sean Baker? |
Դերակատարներ | Mikey Madison?, Մարկ Էյդելշտեյն, Yury Borisov?, Դարյա Եկամասովա և Ալեքսեյ Սերեբրյակով |
Օպերատոր | Դրյու Դենիելս |
Տևողություն | 138 րոպե |
Սյուժե
Ֆիլմի գործողությունները տեղի են ունենում Բրուքլինում։ Գլխավոր հերոսը՝ Էնին, երիտասարդ մարմնավաճառ է, որն ամուսնացած է ռուս օլիգարխի որդու՝ Իվան Զախարովի հետ։ Փեսայի ծնողները, իմանալով կատարվածի մասին, գալիս են Նյու Յորք՝ ամեն ինչ կարգավորելու[2]։
Դերերում
- Մայքի Մեդիսոն - Էնի (Անորա)
- Մարկ Էյդելշտեյն - Իվան Զախարով
- Յուրա Բորիսով - Իգոր
- Դարյա Եկամասովա - Գալինա Ստեպանովնա, Իվանի մայրը
- Ալեքսեյ Սերեբրյակով - Նիկոլայ Զախարով, Իվանի հայրը, ռուս օլիգարխ[3]
- Կարեն Կարագուլյան - Թորոս
- Վաչե Թովմասյան - Գառնիկ
- Ալյոնա Գուրևիչ - Կլարա
- Այվի Ուոլք - Կրիստալ
Նկարահանում, գնահատում
Ֆիլմի նկարահանումները տեղի են ունեցել 2023 թվականին՝ Նյու Յորքում (Բրուքլին) և Լաս Վեգասում[4]։
Ֆիլմի պրեմիերան կայացել է 2024 թվականի մայիսի 21-ին Կաննի կինոփառատոնի հիմնական ծրագրի շրջանակներում։ Քննադատները «Անորան» նախապես դասել էին տարվա գլխավոր փառատոնային պրեմիերաների շարքին[2]։ Ցուցադրության ավարտից հետո հանդիսատեսը 9 րոպե շարունակ ծափահարել է ֆիլմի ստեղծողներին[5]։ 2024 թվականի մայիսի 25-ին ֆիլմն արժանացել է «Ոսկյա արմավենու ճյուղ» բարձրագույն մրցանակին։