Արիյ Սկրիդե

Արիյ Սկրիդեն ծնվել է 1906 թվականի սեպտեմբերի 24-ին, Ձելզավսկի շրջանում (այժմյան` Լատվիայի Մադոնայի շրջան)։

Ավարտել է Լատվիայի գեղարվեստի ակադեմիան (Վիլհելմ Պուրվիտի բնանկարչական արվեստանոցը, 1932 թվական)։ Աշխատել է Ռիգայի Ն. Դրաուձինիի անվան գիմնազիայում` որպես նկարչության ուսուցիչ (1936-1942), Լատվիայի պետական արվեստի ակադեմիայում` որպես մանկավարժ (1942-1964)։

Եղել է «Սադարբս» գեղարվեստական միության (1929), Լատվիայի նկարիչների միության անդամ (1944 թվականից)։ Պարգևատրվել է Սան Ֆրանցիսկոյի համաշխարհային գեղարվեստական ցուցահանդեսի բրոնզե մեդալով։ Լատվիական ԽՍՀ-ի արվեստի վաստակավոր գործիչ է (1956), Լատվիական ԽՍՀ ժողովրդական նկարիչ (1966)^[3]։

Ցուցահանդեսների մասնակցել է 1928 թվականից։ Իրեն հայտարարել է իր ուսուցիչ Վ. Պուրվիտի ստեղծագործական ավանդույթների շարունակող։ Հասուն տարիքում բացի բնանկարներից պատկերել է նաև ժանրային կոմպոզիցիաներ` նվիրված աշխատանքի մարդկանց և սոցիալիստական շինարարներին։ Առավել հայտնի աշխատանքներից են. «Ծառուղին և կարմիր տանիքը» (1926), «Նավերը Դաուգավեի վրա» (1930), «Գարունը Ռիգայի ծայրամասում» (1930), «Մոսկվայի արվարձան» (1930), «Կեգումս» (1939), «Հացահատիկի մատակարարում պետությանը» (1949), «Ձմեռը Վիձեմում» (1964), «Կիրովի փողոցը» (1969)։

• Vasks A. Ārijs Skride. R., 2007
• Māksla un arhitektūra biogrāfijās. Atb. red. A. Vanaga — Rīga, 2000 — 1. sēj.