Բառեր (ֆիլմ)

Այս ֆիլմի յուրահատկությունն այն է, որ այստեղ ներկայացվում է միաժամանակ երեք պատմություն. պատմություն մի պատմության մասին, որը պատմում է մեկ այլ պատմության մասին։ Ֆիլմը սկսվում է այն բանով, որ հայտնի գրող Քլեյ Համոնդը հրապարակայնորեն կարդում է իր նոր գրքի երկու մասերը։ Գրքի վերնագիրն է «Բառերը»։ Պատմության հերոսը անհաջողակ գրող Ռորին մի հին պայուսակում գտնում է ձեռագիր սիրային պատմություն, որը ամերիկացի զինվորի և ֆրանսուհի մատուցողուհու մասին էր (այս դեպքերը ընթանում են Փարիզում)։ Այս խորը վեպը Ռորի տպագրության է հանձնում հենց իր անունով և հասնում է մեծ հաջողության։ Հաջողության փոթորկում նա մոռանում է իրական պատմությունը։ Բայց մի անգամ նրան է մոտենում վեպի իրական հեղինակը, այս ժամանակ արդեն մի ծերունի։ Նա պատմում է Ռորիին իրական պատմությունը, թե ինչպես գրվեց վեպը այնուհետև անհետացավ։ Ռորիի սուտը բացահայտվում է։ Այս ժամանակ արդեն ծերունին է ընկնում տառապանքների մեջ։ Այստեղ ավարտվում է Քլեյի գրքի առաջին մասը։ Առաջին մասի ընթերցումից հետո Քլեյը ծանոթանում է մի լրագրողուհու՝ Դանիելայի հետ, շուտով նրանք գնում են Քլեյի տուն։ Այս Քլեյը Դանիելային պատմում է իր վեպի շարունակությունը, որը սկսվում է Ռորիի մեղքի ընդունմամբ։ Ռորին իր կնոջը խոստովանում է եղելությունը, հրատարակիչներին համոզում է ջնջել իր անունը գրքի վրայից, այնուհետև նորից հանդիպում է ծերունուն և փորձում է գրքից ստացած գումարը կիսել նրա հետ։ Ծերունին դուրս է հանում Ռորիին՝ խոստանալով, որ երբեք չի բարձրաձայնի նրա սուտը, իսկ մի ամսից ծերունին մահանում է։ Ահա Ռորիի երջանիկ կյանքը՝ կառուցած կեղծիքի վրա սկսում է կործանվել։ Դանիելան եզրակացնում է, որ Քլեյի վեպը ինքնակենսագրական է, և որ Ռորին հենց ինքը Քլեյն է։ Նա ցանկանում է սփոփել Քլեյին, բայց ահա Քլեյը դա թույլ չի տալիս. Քլեյն արդեն երկար ժամանակ է ինչ սպասում էր իր կնոջ ներմանը։

• Բրեդլի Քուփեր - Ռորի Ջենսեն^[10][11]
• Օլիվիա Ուայլդ - Դանիելա
• Զոի Սալդանա - Դորա Ջենսեն
• Ջերեմի Այրոնս - ծերունի
• Բեն Բարնս - երիտասարդ
• Նորա Անեզեդեր - Սեպիա
• Դենիս Կուեյդ - Քլեյ Համոնդ
• Ջոնաթան Քեյ Սիմոնս - Պարոն Ջենսեն
• Ջոն Հանա^[12] - Ռիչարդ Ֆորդ
• Ժելկո Իվանեկ - Ժոզեֆ Կապտեր
• Ռոն Ռիֆկին - Թիմոտի Էպշտեյն

• Նկարահանումները սկսվել են 2011 թվականի հունիսի 7-ից Մոնրեալում^[13]