Բեն Բարնս

Բենը ծնվել է 1981 թվականի օգոստոսի 20-ին Լոնդոնում։ Հայրը՝ Թոմաս Ռ. Բարնսը, Լոնդոնի Իմպերիական քոլեջի պրոֆեսոր է, որ մասնագիտացված է շիզոֆրենիայում, մայրը՝ Թրիշ Բարնսն է^[3][4]՝ ամուսնական թերապևտ և հանրահայտ բժշկուհի, Բրիտանիայի՝ ամուսնական խնդիրներով զբաղվող թերապևտների ասոցիացիայի անդամ (British Association of Marital and Sexual Therapists)^[5], եղբայրը՝ Ջեք Բարնսն է (փոքր երեք տարի)։

Բենը սովորել է Քինգսթոնի համալսարանում (Kingston University)^[6][7]՝ ավարտելով այն 2004 թվականին և ձեռք բերելով անգլերենի և դրամայի բակալավրի աստիճան, ինչպես նաև 1997 թվականից մինչև 2003 թվականը եղել է Ազգային երաժշտական երիտասարդական թատրոնի անդամ (National Youth Music Theatre)։ Երգում է, տիրապետում է հարվածային գործիքների և դաշնամուրի։

Բարնսի մասնագիտական դեբյուտը կայացել է 2004 թվականին. նա կատարեց Դանթե Գաբրիել Ռոսետիի դերը «Loving Ophelia» ներկայացման մեջ։ Իսկ էկրանային կարիերան սկսել է անգլիական հեռուստատեսային շոուների փոքր դերերից, ինչպիսիք են. «Liquid News», «Making Up Your Mind», «Doctors» և «Split Decision»: 2006 թվականին նա ստացավ Դեյքինի դերը «Պատմության սիրահարները» («The History Boys») ներակայացման մեջ։ Բարնսը երգել է «Hyrise» խմբում և 2004 թվականին խմբի կազմում մասնակցել է Բրիտանիայում անցկացվող Եվրատեսիլի նախընտրական փուլին։

Ավելի ուշ Բենը նկարահանվել է երկու ֆիլմերում. «Աստղափոշի» (2007), որտեղ երիտասարդ հոր՝ Տրիստան Թորնի դերն է կատարել, և «Բենից ավել» (2008), որտեղ խաղացել է Պավել Տետերսկու (Սոբակկա) դերը։

Այն բանից հետո, երբ նրան առաջարկեցին Կասպիան արքայազնի դերը «Նարնիայի ժամանակագրություններ. Արքայազն Կասպիանը»ֆիլմում^[8], Բարնսը չեղյալ հայտարարեց պայմանագիրը «The History Boys»-ի հետ։ Ուեսթ-Էնդրում Բեն Բարնսը փոխարինեց Ջեյմի Քինգին։ Բենը պայմանագիր կնքեց Walt Disney Pictures-ի և Walden Media-ի հետ երեք ֆիլմի համար։ 2010 թվականին մեծ էկրաններ բարձրացավ «Նարնիայի ժամանակագրություններ. Լուսաբացի նվաճողը» ֆիլմը։

2009 թվականի մայիսին ներկայացվեց Բնեի մասնակցությամբ «Թեթև պահվածք» ֆիլմը, որտեղ նա խաղում է Ջոն Ուիթաքերի դերը։ Նույն թվականի սեպտեմբերին կայացավ «Դորիան Գրեյ» ֆիլմի պրեմիերան, որտեղ Բարնսը խաղում էր գլխավոր դերը^[9]։

• Բեն Բարնսը Internet Movie Database կայքում

Վիքիպահեստն ունի նյութեր, որոնք վերաբերում են «Բեն Բարնս» հոդվածին։