Դարաբ (Ֆարս)
Դարաբ[2] (պարս.՝ داراب), քաղաք Իրանի հարավում՝ Ֆարս օսթանում, Դարաբ շահրեստանի վարչական կենտրոնը։ Բնակչությունը վերջին մարդահամարի տվյալներով կազմում է 70 232 մարդ (2016)[1]։
| Քաղաք | ||
|---|---|---|
| Դարաբ | ||
| պարս.՝ داراب | ||
 | ||
| Երկիր |  Իրան | |
| Օսթան | Ֆարս | |
| Շահրեստան | Դարաբ | |
| ԲԾՄ | 1120 մետր | |
| Բնակչություն | 70 232 մարդ (2016)[1] | |
| ||
Դարաբը տարածաշրջանային խոշոր գյուղատնտեսական կենտրոն է[3], հիմնական մշակաբույսերն են ցորենը, ցիտրուսները, բամբակը, եգիպտացորենը, ինչպես նաև՝ արմավենիները։
Աշխարհագրություն և կլիմա
Քաղաքը գտնվում է Ֆարսի հարավ-արևելքում՝ հարավարևելյան Զագրոսի լեռնային տեղանքում։ Ծովի մակարդակից ունի 1 139 մետր բարձրություն[4]։ Դարաբը գտնվում է նահանգի վարչական կենտրոնից՝ Շիրազից, մոտ 210 կմ դեպի հարավ-արևելք (ESE) և երկրի մայրաքաղաքից՝ Թեհրանից, 820 կմ դեպի հարավ-արևելք (SSE): Կլիման արևադարձային է։ Տարեկան տեղումների քանակը քիչ է (մինչև 395 մմ)։
| Դարաբի կլիմայական տվյալները | |||||||||||||
|---|---|---|---|---|---|---|---|---|---|---|---|---|---|
| Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | Տարի |
| Միջին բարձր °C (°F) | 15.9 (60.6) | 17.4 (63.3) | 22.2 (72) | 25.8 (78.4) | 33.0 (91.4) | 36.3 (97.3) | 37.8 (100) | 37.0 (98.6) | 34.0 (93.2) | 29.8 (85.6) | 22.8 (73) | 18. (64) | 27.5 (81.45) |
| Միջին ցածր °C (°F) | 3.4 (38.1) | 5.0 (41) | 8.7 (47.7) | 12.4 (54.3) | 17.8 (64) | 21.0 (69.8) | 23.4 (74.1) | 22.4 (72.3) | 18.7 (65.7) | 14.2 (57.6) | 8.3 (46.9) | 4.4 (39.9) | 13.31 (55.95) |
| Տեղումներ մմ (դյույմ) | 48 (1.89) | 44 (1.73) | 14 (0.55) | 23 (0.91) | 1 (0.04) | 0 (0) | 1 (0.04) | 1 (0.04) | 0 (0) | 2 (0.08) | 12 (0.47) | 29 (1.14) | 175 (6.89) |
| աղբյուր: Climate-Data.org[5] | |||||||||||||
Բնակչություն
Բնակչությունը 2016 թվականի մարդահամարի տվյալներով կազմում էր 70 232 մարդ, որոնք կազմում էին 21 308 տնտեսություն։ Դարաբը Ֆարս օսթանի բնակչությամբ յոթերորդ ամենախոշոր քաղաքն է[6]։ Քաղաքի բնակչության փոփոխությունը ժամանակի ընթացքում բերված է աղյուսակում ստորև.
| 1966 | 1986 | 1991 | 1996 | 2006 | 2011 | 2016 |
|---|---|---|---|---|---|---|
| 13 419[7] | 33 718 | 41 931[8] | 48 130[8] | 54 513[9] | 61 672[10] | 70 232[11] |
Պատմություն
Քաղաքը հիմնադրվել է Աքեմենյանների դինաստիայի օրոք։ Դարաբն առաջին քաղաքն էր, որը նվաճել էր ապագա արքայից արքա Արտաշիր Պապականը[3]։
Տեսարժան վայրեր
Դարաբի շրջակայքում գտնվում են մի շարք հանգստի գոտիներ։ Քաղաքից դեպի արևելք գտնվում է անտառապատ տարածք, որը հայտնի է Լայզանգան (Layzangan) անունով[12]։ 20 կիլոմետր դեպի արևմուտք կան հանքային աղբյուրներ, որոնց շուրջ ձևավորվել է Ջունջանի (Joonjan) հանգստի գոտին[13]։ Նաև Դարաբից հյուսիս-արևելք գտնվում է Թոդաջ լեռնաշղթան[14], որի ամենաբարձր գագաթը ծովի մակարդակից ունի 3150 մետր բարձրություն։
Ծանոթագրություններ
 | Վիքիպահեստն ունի նյութեր, որոնք վերաբերում են «Դարաբ (Ֆարս)» հոդվածին։ |