Էլինա Աբկարովա
Էլինա Արթուրի Աբկարովա (ռուս.՝ Элина Абкарова, օգոստոսի 6, 1988, Բաքու, Ադրբեջանական ԽՍՀ, ԽՍՀՄ և Լենինգրադ, ՌԽՖՍՀ, ԽՍՀՄ), ռուսական թատրոնի ու կինոյի ազգությամբ հայ դերասանուհի։
 | |
|---|---|
| Ծնվել է | օգոստոսի 6, 1988 (35 տարեկան) |
| Ծննդավայր | Բաքու, Ադրբեջանական ԽՍՀ, ԽՍՀՄ կամ Լենինգրադ, ՌԽՖՍՀ, ԽՍՀՄ |
| Կրթություն | Լենինգրադի մշակույթի և արվեստի մարզային քոլեջ (2009) և Սանկտ Պետերբուրգի մշակույթի պետական ինստիտուտ |
| Քաղաքացիություն |  ԽՍՀՄ և  Ռուսաստան |
| Մասնագիտություն | թատրոնի դերասանուհի, թատերական ռեժիսոր և կինոդերասանուհի |
Կենսագրություն
Էլինա Աբկարովան ծնվել է 1988 թվականի օգոստոսի 6-ին Բաքվում։ 1988 թվականի նոյեմբերին ծնողների հետ տեղափոխվել է Հայաստան, այնուհետև Ռուսաստան։ Դպրոցական տարիներին զբաղվել է լողով և թեթև ատլետիկայով։ Դեռահաս տարիքից սկսել է սովորել թատերական ստուդիայում։ 2008 թվականին ավարտել է Լենինգրադի մշակույթի և արվեստի մարզային քոլեջի դերասանական ֆակուլտետը՝ Տ․ Սլավինի դասարանը։ 2008 թվականից խաղացել է «Թատրոն Գորոխովայա փողոցի վրա» թատրոնում, որտեղ որպես ռեժիսոր բեմադրել է նաև ներկայացումներ[1]։
2014 թվականին ավարտել է Սանկտ Պետերբուրգի մշակույթի և արվեստի համալսարանի դերասանական-ռեժիսուրայի ֆակուլտետը՝ Բ․ Պրեոբրաժենսկու և Վլադիմիր Ֆունտուսովի արվեստանոցը։ Համագործակցել է «Արտ-Վոյաժ» թատերական կենտրոնի հետ[1]։
2011 թվականից նկարահանվում է կինոյում[1]։
Գործունեություն
Դերերը թատրոնում
| Տարի | Հեղինակ | Ներկայացում | Դեր |
|---|---|---|---|
| 2008 | Ուիլյամ Շեքսպիր | Տասներկուերորդ գիշեր | Մարիա |
| 2008 | Հանս Քրիստիան Անդերսեն | Սառցե թագուհին | փոքր ավազակ |
| 2008 | Ալեքսանդր Կուպրին | Յամա | Ժենյա |
| 2008 | Վալենտին Ռասպուտին | Ռուդոլֆիո | կին |
| 2009 | Իվան Բունին | Թեթև շնչառություն | Օլյա Մեշչերսկայա |
| 2010 | Նիկոլայ Գոգոլ | Ամուսնություն | Ֆեկլա |
| 2010 | Յակով Գոլովացկի | Փնթին | Փնթի |
| 2011 | Իստվիկյան վհուկներ | աղջնակ | |
| 2012 | Դարիո Ֆո | Ես սպասում եմ քեզ, սիրելի՛ս | Մարիա |
Դերերը կինոյում
| Տարի | Ֆիլմ | Դեր |
|---|---|---|
| 2013 | Պատվի գործ | Սոնյա |
| 2012-2014 | Առանց հնության ժամկետի | դրվագ |
| 2012 | Լավրովայայի մեթոդը 2 | դրվագ |
| 2011 | Ծնունդդ շնորհավոր | Նադեժդա |
| 2011 | Խոսում է ոստիկանությունը | Ժենյա Պրոխորովա |