Լարրի Կրամեր

Կրամերը իր գործունեությունը սկսել է որպես Columbia Pictures ընկերության աշխատող^[7]։ Շատ չանցած կազմակերպությունը նրան ներգրավել է Դ.Գ. Լոուրենսի «Սիրահարված կանայք» վեպի սցենարի էկրանավորման համար, որը նրան բերել է «Օսկար», BAFTA և ԱՄՆ սցենարիստների Գիլդիայի անվանակարգերում մրցանակներ։ Հետագա տարիներին Կրամերը հայտնի է դարձել 1978 թվականին գրված «Համասեռամոլներ» վեպի շնորհիվ, որը իր ժամանակին բացասական արձագանքների է արժանացել ԼԳԲՏ համայնքի կողմից, թեև այն դարձել է համասեռամոլության թեմայով ամենավաճառվող և ազդեցիկ վեպերից մեկը^[7][8]։

Կրամերը 1980-ական թվականների սկզբին հայտնի է դարձել որպես ՁԻԱՀ ակտիվիստ, և աճող ՄԻԱՎ/ՁԻԱՀ համաճարակի ֆոնին նա դարձել է «Համասեռամոլների առողջության ճգնաժամ» կազմակերպության համահիմնադիրը^[8]։ Որոշ ժամանակ անց նա դուրս է մղվել կազմակերպության խորհրդի կազմից՝ իր ակտիվության մեթոդների հետ կազմակերպության մյուս անադամների անհամաձայնության պատճառով։ ՄԻԱՎ համաճարակն արտացոլվել է Կրամերի «Սովորական սիրտը» պիեսում, որի հիման վրա նա հետագայում գրել է Սովորական սիրտ համանուն ֆիլմի սցենարը։ 1987 թվականին Կրամերը հանդես է եկել որպես ACT UP միջազգային կազմակերպություն քաղաքական խմբի համահիմնադիր։

Կրամերը մահացել է 2020 թվականի մայիսի 27-ին՝ թոքաբորբի հետևանքով։ Նա 84 տարեկան էր^[9]։

• Mass, Lawrence D. We Must Love One Another or Die: The Life and Legacies of Larry Kramer. — Palgrave Macmillan, 1997. — ISBN 9780312177041
• Shilts, Randy And the Band Played On. — St. Martin's Press, 1987. — ISBN 9780312374631

• «Larry Kramer». www.c-span.org. Վերցված է 2020 թ․ սեպտեմբերի 30-ին. {{cite web}}: Text "C-SPAN.org" ignored (օգնություն)
• «The MacNeil/Lehrer NewsHour» (անգլերեն). Վերցված է 2020 թ․ սեպտեմբերի 30-ին.
• «Collection: Larry Kramer papers». archives.yale.edu. Վերցված է 2020 թ․ սեպտեմբերի 30-ին. {{cite web}}: Text "Archives at Yale" ignored (օգնություն)

Վիքիպահեստն ունի նյութեր, որոնք վերաբերում են «Լարրի Կրամեր» հոդվածին։