Ռոուեն Բլենչարդ
Ռոուեն Բլենչարդ (անգլ.՝ Rowan Blanchard, հոկտեմբերի 14, 2001[1][2][3], Լոս Անջելես, Կալիֆոռնիա, ԱՄՆ[4][5][6] թվական), ամերիկացի դերասանուհի։ Առավել հայտնի է Disney Channel հեռուստաալիքի «Աղջիկը ճանաչում է աշխարհը» հեռուստասերիալում՝ Ռայլի Մեթյուզի դերով։
Ռոուեն Բլենչարդ | |
---|---|
Բլենչարդը 2015 թվականի հունիսին | |
Ի ծնե անուն՝ | Rowan Blanchard |
Ծննդյան թիվ՝ | հոկտեմբերի 14, 2001[1][2][3] (22 տարեկան) |
Ծննդավայր՝ | Լոս Անջելես, Կալիֆոռնիա, ԱՄՆ |
Քաղաքացիություն՝ | ԱՄՆ |
Մասնագիտություն՝ | դերասանուհի |
IMDb։ | ID 3688576 |
Կյանք և Կարիերա
Ծնվել է Լոս Անջելեսում, Կալիֆոռնիա նահանգում[7][8]: Նրա պապը հայրական կողմով, Մերձավոր Արևելքից ներգաղթյալ էր, իսկ իր տատիկի նախնիները հայրական կողմով ծագումով Անգլիայից, Դանիայից ու Շվեդիայից են[9]։ Իր անունը Ռոուենը ստացել է Էնն Ռայսի «Մոգության ժամ» սիրավեպի կերպարներից մեկի պատվին[10]։ Ունի կրտսեր քույր ու եղբայր, Կառմեն և Շեյն[11]։
Սկսել է իր կարիերան հինգ տարեկանում[11]։ 2010 թվականին «Պլան Բ» ֆիլմում խաղացել է Մոնայի դստեր դերը և Disney Junior «Ռոբոտ Դենս-Ա-Լոտ» հաղորդմանը կատարել է Քեյթլինի դերը։ 2011 թվականին Ռոուենը «Լրտեսների երեխաները 4D» ֆիլմում խաղաց՝ Ռեբեկկա Ուիլսոնի դերը, ինչպես նաև «Ոչինչ ընդհանուր» ֆիլմում խաղաց Ռակել Պաչեկոյի դերը։ 2013 թվականի հունվարի վերջին Բլենչարդը ստացել է Disney Channel հեռուստաալիքի «Աղջիկը ճանաչում է աշխարհը» հեռուստասերիալի գլխավոր դերը[12]։ Ռոուենը Սաբրինա Քարփենթերի հետ միասին կատարել է նաև սերիալի գլխավոր երգը։ Նա «Տղան ճանաչում է աշխարհը» սիթքոմում նկարահանվում էր Կորիի և Տապանգայի դստեր գլխավոր դերում[13][14]։ Բլենչարդը Disney Channel Circle of Stars երաժշտական խմբի մասնակիցն է[15]։ 2015 թվականի հունվարի սկզբին Ռոուենը նկարահանվել է Disney Channel-ի «Անտեսանելի քույր» ֆիլմում՝ Կլեոյի դերում[16]։
Անձնական կյանք
Ռոուենն ակտիվ գործունեություն է ծավալում ֆեմինիզմի, մարդու իրավունքների պաշտպանության, բռնության կիրառման դեմ պայքարի հարցերում[17]։ Այս թեմաների շուրջ նրա մեկնաբանությունները ներկայացված են Թվիթթերում և Tumblr-ում, ինչպես նաև նա հանդես է եկել ՄԱԿ-ի կանայք և ԱՄՆ ազգային հանձնաժողովի տարեկան համաժողովում՝ որպես HeForShe-ի և ֆեմինիստական արշավի մասնակից[18]։
Ֆիլմագրություն
Ֆիլմեր
Տարեթիվ | Անվանում | Դեր |
---|---|---|
2010 | Պլան Բ | Մոնայի 7-ամյա երեխան |
2011 | Ոչինչ ընդհանուր | Ռակել Պաչեկո |
2011 | Լրտեսների երեխաները 4D | Ռեբեկկա Ուիլսոն |
Հեռուստատեսություն
Տարեթիվ | Անվանում | Դեր | Ծանոթագրություններ |
---|---|---|---|
2010 | Ռոբոտ Դենս-Ա-Լոտ | Քեյթլին | Գլխավոր դեր՝ Disney Junior Original Series |
2014 | Աղջիկը ճանաչում է աշխարհը | Ռայլի Մեթյուզ | Գլխավոր դեր՝ Disney Channel Original Series |
2015 | Լավագույն ընկերներ հավիտյան | Ռայլի Մեթյուզ | «Սիդի և Շելբիի անիծված սխալմունքը» (1 եթերաշրջան, սերիա 9) |
2015 | Անտեսանելի քույր | Կլեո Իսթման | Disney Channel Original Movie |
Պարգևներ և Անվանակարգեր
Տարեթիվ | Պարգև | Կատեգորիա | Անվանակարգված աշխատանք | Արդյունք |
---|---|---|---|---|
2012 | 33-րդ երիտասարդ դերասան մրցանակ[19] | Լավագույն դերակատարում գեղարվեստական ֆիլմում - Երիտասարդ դերասանուհի 10-ից և ավելի բարձր | Լրտեսների երեխաները 4D | Անվանակարգ |
2014 | 2014 Teen Choice Awards[20] | Ամառային հեռուստաշոուի ընտրություն | Աղջիկը ճանաչում է աշխարհը | Անվանակարգ |
2015 | 2014 Teen Choice Awards[21] | Հեռուստաշոուի ընտրություն. Կատակերգություն | Աղջիկը ճանաչում է աշխարհը | Անվանակարգ |
2015 | 67th Primetime Creative Arts Emmy Awards[22] | Ականավոր մանկական հեռուստահաղորդում | Աղջիկը ճանաչում է աշխարհը | Անվանակարգ |
Ծանոթագրություններ
Արտաքին հղումներ
Վիքիպահեստն ունի նյութեր, որոնք վերաբերում են «Ռոուեն Բլենչարդ» հոդվածին։ |