Är wird 63 bis 72 cm groß un bis 45 kg schwäär un ghert zue dr Pinscher. S Fäll isch glatt un gängigerwys schwarz oder dunkelbruun. Friejer het mer d Ohre un dr Wadel als kupiert, was aber in dr maischte europäische Länder mittlerwyli verbote isch. D Rasse het ire Name noch em erschte Zichter, em Friedrich Louis Dobermann (1834–1894) vu Apolda.
In e Dail Kanton in dr Schwyz isch d Haltig vun eme Dobermann bewilligungspflichtig. Im Kanton Wallis sin Haltig, Zucht un Yyfuhr verbote.
