Sekolah Tinggi Teknologi Telekomunikasi atawa STT Telkom nyaéta paguron luhur swasta milik PT Telekomunikasi Indonésia Tbk. (PT Telkom) anu mangrupa Badan Usaha Milik Nagara. Paguron luhur ieu perenahna persisna di Bandung Kidul, di wewengkon Dayeuh Kolot. STT Telkom nyaéta Paguron Luhur Swasta (PTS) anu museurkeun program-programna pikeun ngarojong kamekaran téknologi sarta industri telekomunikasi. Tujuan diadegkeunna ieu sakola téh pikeun nyumponan kaperluan ayana ahli dina industri telekomunikasi anu tumuwuh pohara gancang.
Ngadegna STT Telkom nyaéta ku alpukahna Ir Cacuk Sudarijanto, diréktur utama PT Telkom taun 1988-1992. Tujuan awalna nyaéta pikeun nyadiakeun tanaga-tanaga ahli pikeun PT Telkom.
Pikeun mayungan institusi-institusi atikan anu baris dirojongna, PT Telkom nyieun yayasan nu ngaranna Yayasan Pendidikan Telkom(YPT). Yayasan Pendidikan Telkom (YPT) ngadegkeun STT Telkom jeung Sakola Tinggi Manajemen Bisnis Telkom Archived 2008-03-25 di Wayback Machine.Tanggal resmi nangtungna STT Telkom nyaéta 28 Séptember 1990.
Jalma-jalma anu miboga andil gedé dina naratas STT Telkom nyaéta Ir Bambang Hidayat sarta Ir Darmastoto.
Waktu munggaran diadegkeun STT Telkom ngan nampa mahasiswa ti golongan pagawé PT Telkom. Dina taun 1991 jeung 1992 STT Telkom mimiti nampa mahasiswa ti SLTA umum jeung nawarkeun ikatan dines ka PT Telkom. Tapi alatan ayana parobahan kawijakan ti pihak manajemén PT Telkom, program béasiswa sarta ikatan dines dieureunkeun. Ayeuna STT Telkom nampa siswa anu asalna ti lulusan SLTA, mahasiswa anu baris neruskeun undakan studi S1 atawa S2 sarta pagawé pausahaan anu hayang ngaronjatkeun pangawasaan élmu sarta kéahlian dina widang téknologi telekomunikasi.
Students STT Telkom mangrupa hiji portal milik komunitas mahasiswa STT Telkom. Portal ieu mekar saprak taun 1999 dimimitian ku riset group Laboratorium Internet Application and Reséarch Development (IARD) anu aya dina binaan jurusan Téknik Élektro STT Telkom waktu harita sarta terus dimekarkeun nepi ka ayeuna. Fitur anu pangréana dipikaresep nyaéta Forum Sawala Mahasiswa STT Telkom. Ogé geus mekar fitur séjénna kawas webchat (irc), Surélék Mahasiswa, blog, stréaming sarta nu séjénna.
thumb|rightMitembeyan tina gerakan pikeun ngamasarakatkeun pamakéan software bébas, Linux User Group STT Telkom ngadegkeun nu disebut LUG-STTTELKOM. Komunitas anu geus dimimitian saprak taun 2000 ieu ngupayakeun pikeun nyebarkeun hiji paradigma anu jejerna Open Source Campus Agreement (OSCA). Ésénsi ti OSCA ieu sorangan katémbong ti lobana pamakéan software anu boga lisénsi bébas di kampus kalawan nyartakeun source code program pikeun ditalungtik leuwih jauh deui. Ku kituna, para sivitasa akademik bisa nyieun kréasi, modifikasi sarta ngarasakeun software kasebut pikeun saterusna disebarkeun atawa dijual kalawan tetep méré kabébasan anu sarua sarta pikeun kapentingan babarengan.
Kalawan ngalakonan sagala rupa kagiatan leuleutikan anu lolobana ngawangun oprek Linux, LUG STT Telkom mindeng ngayakeun sawala leutik ngeunaan linux, ngoprék bareng, démo aplikasi linux, démo instalasi linux, sarta nu séjénna.
Mangrupa kumpulan penalaran anu jadi ujung tumbak STT Telkom dina jero ngahontal préstasi ti kompetisi-kompetisi skala nasional sarta internasional. Programming Club ancrub dina jero widang programming hususna sarta IT umumna.Programming Club diadegkeun dina bulan Januari 2006 pikeun ngumpulkeun para programmer pangalusna nu aya di STT Telkom dina jero hiji wadah. Préstasi anu dihasilkeun nepi ka bulan Agustus 2007: jawara III Microsoft Imagine Cup Software Design, jawara III Microsoft Project Hoshimi, honorable mention ACM Indonésia National Contest 2007, jawara III Pekan Ilmiah Nasional Algorithm - Problem Solving and Security Contest, jawara II, III, IV, sarta V Genia National Programming Contest, sarta 16 kali asup ka final kompetisi IT nasional séjénna.
Daptar paguron luhur swasta di Indonésia |
---|
NAD • Sumut • Jambi • Riau • Sumbar • Bengkulu • Sumsel • Lampung • Bangka-belitung • Kapuloan Riau • DKI Jakarta • Banten • Jabar • Jateng • Jatim • Yogyakarta • Bali • NTB • NTT • Kalbar • Kalteng • Kalsel • Kaltim • Sulut • Sulteng • Sulsel • Sulbar • Sultra • Maluku • Malut • Irjabar • Papua |
Tempo ogé:Paguron Luhur Negeri •Paguron Luhur Islam Negeri • Paguron Luhur Islam Swasta • Paguron Luhur Kedinesan |