Ceurik nyaéta hiji réaksi awak (fisik) mangsa hiji jalma nyanghareupan kaayaan atawa kajadian nu ngusik perasaan, ceurik ilaharna dibarung ku teu kawawa merebeyna cimata ku alatan éta kaayaan.[1][2] Ceurik ogé dirandapan mangsa nandangan kanyeri atawa kasedih nupohara, bisa ogé ceurik mangsa pinanggih jeung kagumbiraan.[3]
Ceurik ogé jadi hiji kajadian nu ngabédakeun manusa jeung mahluk hirup séjén.[3] Ceurik sok dirandapak ku orok atawa budak mah hiji kawajaran atawa galib, mangrupa bagéan tina prosés ngagédéan éta orok.[1]Ceurik orok ogé hiji cara pikeun nepikeun hiji kaayaan nu dirandapan, bisa ceurik alatan lapar, hanaang, kareunang, ngambek, nyeri, jeung sajabana sangkan geuwat meunang perhatian ti kolotna.[4]
Ceurik anu aya maknaan ogé tiasa ningkatkeun kasadaran diri dina réligiusitas, ku sabab kitu disarankeun lamun ceurik kudu aya makna sangkan lain ngemplong hungkul, tapi ogé bisa numbuhkeun kasadaran dina jéro manah kanggo ngabénérken kasalahan-kasalahan anu atos di lakukeun jeung usaha diri kanggo jadi jalma anu leuwih alus.
_2020.svg){kind=link}