Gervais Yao Kouassi
Gervais Yao Kouassi utawa dikenal uga minangka Gervinho (lair ing Anyama, Pasisir Gading, 27 Mèi 1987; umur 37 taun) ya ikung juru main bal-balan profésional sing asalé saka Pasisir Gading sing posisiné minangka glandhang sayap. Wektu iki, panjenengané main ing klub Arsenal ing Liga Primer Inggris. Panjenengané uga main kanggo Pasisir Gading.
Katerangan priangga | |||
---|---|---|---|
Jeneng dawa | Gervais Yao Kouassi | ||
Dhuwur | 1.79 m (5 ft 10 1⁄2 in)[1] | ||
Posisi main | Glandhang sayap Penyerang | ||
Katerangan klub | |||
Tim saiki | Arsenal | ||
Angka | 27 | ||
Karir nom | |||
1998–2002 | Mimosas | ||
2002–2004 | Toumodi | ||
2004–2005 | Beveren | ||
Karir sénior* | |||
Taun | Tim | Main | (Gul) |
2005–2007 | Beveren | 61 | (14) |
2007–2009 | Le Mans | 59 | (9) |
2009–2011 | Lille | 67 | (28) |
2011– | Arsenal | 30 | (5) |
Tim nasional‡ | |||
2007– | Pasisir Gading | 41 | (9) |
* Gunggung main lan gul ing klub sénior tumrap liga dhomèstik iki mligi lan patitis per pukul 16.00, 15 September 2012 (UTC). |
Gervinho miwiti karir ing akademi bal-balan Mimosas sasuwené limang taun. Ing papan iku panjenengané dijenengi jejuluk khas Brasil "Gervinho", sing dijupuk saka jeneng ngarepé.[2] Panjenengané salanjuté main sasuwené 2 taun wiwit 2005 bareng Beveren, sadurungé pindah ing taun 2007 ing Le Mans, lan 2 taun salanjuté gabung karo Lille, lan wektu iki gabung karo Arsenal. Gervinho main kanggo timnas Pasisir Gading wiwit wulan November 2007. Panjenengané dadi kapten timnas Pasisir Gading sing main ing Olimpiade Beijing 2008.[2]
Karir
Klub
- Arsenal
Tanggal 12 Juli 2011, Gervinho gabung karo Arsenal kanthi biaya transfer sakiwa-tengené £10.5 yuta.[3][4][5] Gervinho main ing debut liga nalika main imbang (0-0) ing kandang Newcastle United. Ing tetandhingan mau, panjenengané éntuk kartu abang sawisé gelut karo Joey Barton.[6] Sawisé diukum larangan main 3 tetandhingan liga amarga insiden mau,[7] Gervinho main manèh lan nyetak gol liga sing kapisan nalika kalah ing tandang 3-4 saka Blackburn Rovers, tanggal 17 September 2011.[8]
Internasional
Gervinho wés main ping 28 lan nyetak 7 gol kanggo Pasisir Gading wiwit lekas karir internasionalé ing taun 2007. Panjenengané kalebu ing skuat Pasisir Gading nalika Piala Donya FIFA 2010.
Prestasi
Klub
- Lille
- Ligue 1: 2010–11
- Coupe de France: 2011
Réferènsi
Pranala njaba
Cithakan:Skuat PD2010 Pasisir Gading