Levin Öztunali
Levin Öztunali iku juru main bal-balan profèsional sing lair ndhik Hamburg, Jerman tanggal 15 Maret 1996.[1] Pemain sing 184 cm iku posisiné ya iku dadi juru main tengah.[1]
Sanajan isih enom nanging piyambaké wis main ndhik Bundesliga Jerman wiwit mangsa 2013/2014 karo Bayer 04 Leverkusen.[2] Wektu iku, piyambaké éntuk kesempatan dadi juru main pengganti ndhik sangang tetandhingan.[2] Ndèk mangsa 2014/2015 SV Werder Bremen nyilih juru main iku lan ngekèki akèh kesempatan kanggo main.[2] Piyambaké mbales kapercayan iku mawa nyumbang siji gol lan telu umpan sing dadi gol.[2]
Ndèk mangsa 2015/2016, juru main sing uga putuné juru main bal-balané Jerman, Uwe Seeler, wis main ping lima ndhik Bundesliga Jerman lan ping pisan ndhik DFB Pokal.[2] Piyambaké menangné silver medal kanggo ajang Fritz Walter kategori U-18.[2] Piyambaké uga dadi langganané tim junior Jerman.[2]
Karir
2014 - 2014 Jerman U-19[1]
2013 - 2014 Bayer 04 Leverkusen[1]
2015 - 2015 Jerman U-20[1]
2015 - 2016 SV Werder Bremen[1]
2016 - Saiki Bayer 04 Leverkusen[1]