The Missing (filem)
The Missing inggih punika filem sandhiwara thriller saking Amérikah Sarékat ingkang dipundamel ing taun 2003. Filem punika dipunsutradarani Ron Howard, dhedhasar skénario anggitanipun Ken Kaufman, dipunangkat saking novèl pakaryanipun Thomas Eidson ingkang dipunbabar taun 1996 sesirah The Last Ride. Para juru paraga ingkang dadi paraga ing filem punika antawisipun Tommy Lee Jones, Cate Blanchett, Evan Rachel Wood, Jenna Boyd, Aaron Eckhart, lanVal Kilmer. Filem punika nggambaraken wekdal kawuri taun 1885 ing New Mexico Territory kanthi wicantenan ngagem basa Apache déning para paraga, ingkang sadèrèngipun sampun gladhèn bebasan.[4] Revolution Studios, Imagine Entertainment, lan Daniel Ostroff Productions minangka pandamel filem punika masrahaken dhumateng Columbia Pictures minangka juru dum.[5][6]
The Missing | |
---|---|
Disutradarani | Ron Howard |
Diprodhuseri | Brian Grazer Ron Howard Daniel Ostroff |
Ditulis déning | Ken Kaufman |
Adhedhasar | The Last Ride déning Thomas Eidson |
Dibintangi | Tommy Lee Jones Cate Blanchett Evan Rachel Wood Jenna Boyd Aaron Eckhart Val Kilmer |
Dimusiki | James Horner |
Sinématografi | Salvatore Totino |
Dibesut déning | Daniel P. Hanley Mike Hill |
Perusahaan prodhuksi | Revolution Studios Imagine Entertainment |
Dibabar déning | Columbia Pictures |
Tanggal metu | |
Suwéné | 137 menit[1] |
Nagara | Amérikah Sarékat |
Basa | Basa Inggris Basa Spanyol Basa Apache |
Rantaman | $60 yuta [2] |
Kalarisan | $38.4 yuta[3] |
Ingkang maragani
- Tommy Lee Jones-Samuel Jones/Chaa-duu-ba-its-iidan
- Cate Blanchett-Magdalena "Maggie" Gilkeson
- Evan Rachel Wood-Lilly Gilkeson
- Jenna Boyd-Dot Gilkeson
- Aaron Eckhart-Brake Baldwin
- Val Kilmer-Lt. Jim Ducharme
- Sergio Calderón-Emiliano
- Eric Schweig-Pesh-Chidin/El Brujo
- Elisabeth Moss-Anne
- Steve Reevis-Two Stone
- Jay Tavare-Kayitah
- Simon R. Baker-Honesco
- Deryle J. Lujan-Naazhaao
- David Midthunder-Happy Jim
- Clint Howard-Sheriff Purdy
- Ray McKinnon-Russell J. Wittick
- Max Perlich-Issac Edgerly
Latar wingking
Filem punika cekap nampi pangalembana, ketawis saking 58% pamirsa ngremi, kados ingkang kacathet déning Rotten Tomatoes.[7][8][9] Filem The Missing saged dipuntampi déning para wargi asli Amérikah Sarékat, awit saking medalipun wicantenan ingkang ngagem basa Apache kanthi prayogi.[4] Juru paraga kados ta Tommy Lee Jones, Jay Tavare, Simon R. Baker, lan sanèsipun sampun gladhèn basa dhialèk sadèrèngipun pandamelan filem.[10] Tavare ingkang kacathet minangka salah satunggalipun antawisipun 300 tiyang ingkang taksih saged ngendikan kanthi dhialèk Chiricahua, salajengipun dipunsuwun mbiyantu filem punika.[4] The Missing kasil ngempalaken arta dumugi $27 yuta saking saklebetipun nagari, lan $11.4 yuta saking manca nagari, kanthi gunggung ngancik $38.4 yuta.[3]
Rujukan
Pranala njawi
- Situs jaringan resmi
- The Missing ing Internet Movie Database
- The Missing ing AllMovie
- The Missing ing Box Office Mojo
- The Missing ing Rotten Tomatoes
- The Missing ing Metacritic