ალკოპოპი

მსოფლიოს ბაზარზე მზადდება და იყიდება მრავალფეროვანი სასმელი, რომლებიც აღწერილია, როგორც გამაგრილებელი ან ალკოპოპი. ისინი ტკბილია და მიირთმევენ პატარა ბოთლებში (როგორც წესი, 355 მლ. აშშ – ში, 275 მლ. სამხრეთ აფრიკაში და გერმანიაში, 330 მლ. კანადასა და ევროპაში) და 4 %–დან 7 %–მდე ალკოჰოლის შემცველობითაა. ევროპაში, კანადასა და სამხრეთ აფრიკაში გამაგრილებლებს აქვთ წინასწარ შერეული ალკოჰოლური სასმელები, მათ შორის არაყი ან რომი. ამერიკის შეერთებულ შტატებში, მეორეს მხრივ, ალკოპოპს ხშირად ურევენ სვიის ლუდს, დამოკიდებულია შტატზე, სადაც ისინი იყიდება. თუ ალაოს (და ალკოჰოლის) დიდი ნაწილი ამოღებულია (უმეტესად წყალი რჩება), შემდეგ ემატება ალკოჰოლი (ჩვეულებრივ არაყი ან მარცვლეულის სპირტი), შაქარი, საღებავი და არომატიზატორი. ამგვარი სასმელები ლეგალურად კლასიფიცირდება როგორც ლუდი, პრაქტიკულად, ყველა შტატში და ამიტომ მათი გაყიდვა შესაძლებელია იმ ობიექტებში, სადაც არ არის დაშვებული სპირტიანი სასმელები. თუმცა, არსებობს უფრო ძლიერიც, რომლებიც წინასწარ შერეული სპირტია (მაგ. Bacardi Rum Island Iced Tea). ასეთი სასმელი შეიცავს დაახლოებით 12.5 % ალკოჰოლს, რომლის გაყიდვა შესაძლებელია მხოლოდ იქ, სადაც მყარი ალკოჰოლია ნებადართული.

შეერთებულ შტატებში ალკოპოპებზე პროპორციულად შეზღუდულია გადასახადი ევროპასთან შედარებით, თუმცა ზოგიერთი შტატის კანონმდებლობის მიხედვით, შესაძლოა რომ მათი გადასახადების დონე ევროპულ მოდელს მიუახლოვდეს, რაც ახალგაზრდების მიერ მოხმარების შეზღუდვასაც ითვალისწინებს. 

კონტინენტური ევროპის ზოგიერთ ქვეყანაში, მაგალითად, ავსტრიასა და გერმანიაში, შესაძლებელია ჩამოსხმული ლუდის კოქტეილები და შანდები, გაიყიდოს როგორც ალკოპოპები. მიუხედავად იმისა რომ, ეს სასმელები ემყარება ტრადიციულ სვიის ლუდებს მაინც არ ითვლება ალკოპოპად.

ღვინის გამაგრილებლებმა პოპულარობა მოიპოვა ამერიკის ბაზარზე 1980 წელს, როდესაც ბართლები და ჯეიმსმა დაიწყო მათი ბრენდის ღვინის გამაგრილებლის რეკლამირება, რასაც მოჰყვა სხვა ბრენდები, მათ შორის, ბაკარდის „ბრიზერი“. ^[4] პოპულარობამ იმატა 1993 წელს. თანდათან შემცირდა ღვინის გამაგრილებლები აშშ–ს ღვინოზე ფედერალური გადასახადის გაზრდის გამო და ალაოს სასმელის ბაზის გამოყენება გახდა ახალი ინდუსტრიული სტანდარტი.

2018 წლის მარტში კოკა-კოლამ გამოაცხადა, რომ პირველად უშვებდა ალკოპოპის პროდუქტს იაპონიაში, კერძოდ, ჩაჰაის (chūhai) სასმელს. ^[5]

• Bloomberg News, FTC Says Alcohol Type Not Aimed at Minors, Los Angeles Times, June 5, 2002.
• Melillo, W. FTC: Ads for 'Alcopops' Not Aimed at Teens, Adweek, June 6, 2002.
• American Medical Association, AMA Says Alcohol Industry Targets Teen Girls დაარქივებული 2011-07-25 საიტზე Wayback Machine. , December 16, 2004.
• California boosts tax on 'alcopops', Associated Press, August 15, 2007.

• Portman Group (a UK alcoholic beverage industry trade advocacy group with a code of marketing practices)
• New wave of 'sophisticated' alcopops fuels teenage binge drinking The Guardian, 14 December 2002
• The demonised drink: How has youth drinking evolved 20 years since the launch of alcopops? დაარქივებული 2018-03-02 საიტზე Wayback Machine. The Independent, 29 June 2013
• The quiet death of the alcopop BBC News Magazine, 31 July 2013