გალათას ძველი კოშკი
გალათას ძველი კოშკი (ბერძ. Megalos Pyrgos; სიტყვასიტყვით დიდი კოშკი) — კოშკი, რომელიც კონსტანტინოპოლში, ოქროს რქის ჩრდილოეთით იდგა, გალათას ციტადელში. კოშკი, დიდი ჯაჭვის ჩრდილოეთ ნაწილს აკონტროლებდა, რომელიც ოქროს რქაში შესასვლელს კეტავდა, რათა მტრების ხომალდებს ნავსადგურში არ შეაღწიათ. კოშკი შეიცავდა ჯაჭვის აწევის და დაშვების მექანიზმს.[1]
კოშკი, მეტწილად ლათინურ ჯვაროსანთა მიერ კონსტანტინოპოლის ალყის დროს განადგურდა, რომელიც მეოთხე ჯვაროსნული ლაშქრობის ნაწილი იყო.
ძველი კოშკი არ უნდა აგვერიოს დღევანდელ გალათას კოშკთან, რომელიც ჯერ კიდევ დგას. დღევანდელი კოშკი 1348 წელს, გენუელთა მიერ აშენებულია და განსხვავებულ ადგილასაა განლაგებული, კერძოდ, გალათას ციტადელის ჩრდილოეთით, მის უმაღლეს წერტილში.
გენუელებმა ახალ კოშკს Christea Turris (ქრისტეს კოშკი) უწოდეს. თუმცა, ბიზანტიელებმა ახალ კოშკსაც Megalos Pyrgos (დიდი კოშკი) ეძახდნენ.[2]