ექინ ქოჩი
ექინ ქოჩი (თურქ. Ekin Koç; დ. 21 ივნისი 1992, ანტალია) — თურქი მსახიობი. სერიალ დიდებული საუკუნე: ქიოსემის ერთ-ერთი ვარსკვლავი.
| ექინ ქოჩი Ekin Koç | |
|---|---|
| დაბადების თარიღი | 21 ივნისი, 1992 ანტალია, თურქეთი |
| საქმიანობა | მსახიობი |
| აქტიური | 2013 – დღემდე |
| სიმაღლე | 180 სმ |
ექინი 1992 წელს, ანტალიაში დაიბადა. საშუალო განათლების მიღების შემდეგ, იგი ანტალიის ათილა ქონუქის სახელობის ლიცეუმში სწავლობდა. ლიცეუმის დამთავრების შემდეგ, ექინი სტამბოლში ჩავიდა, სადაც ბილგის უნივერსიტეტში სოციოლოგიის ფაკულტეტზე ჩააბარა. პარალელურად, ექინმა სამსახიობო კურსები გაიარა სტამბოლის ხელოვნების აკადემიაში.
მალევე, ექინ ქოჩმა საბოლოოდ გადაწყვიტა, რომ მსახიობი უნდა გამხდარიყო. მისი დებიუტი 2013 წელს შედგა სერიალში „Sana Bir Sır Vereceğim“ („მე გეტყვით საიდუმლოს“).[1] 2015 წელს ექინმა ითამაშა ფილმში „ყველაფერი, რაც შენგან დამრჩა“ და იქ ოზგურის როლი შეასრულა. ამის შემდეგ, იგი მიიწვიეს ისტორიულ სერიალ დიდებული საუკუნის გაგრძელებაში, სადაც მან სულთან აჰმედ I-ის როლი შეასრულა.[2] ამ სერიალმა მსახიობს განსაკუთრებული წარმატება და აღიარება მოუტანა. 2016 წელს ექინმა ითამაშა ყურბან საიდის რომანის მიხედვით გადაღებულ ფილმში „ალი და ნინო“ და მეჰმედის როლი შეასრულა.[3][4]
ფილმოგრაფია
| ფილმი | |||
|---|---|---|---|
| წელი | სათაური | როლი | შენიშვნა |
| 2016 | ალი და ნინო | მეჰმედი | |
| 2015 | ყველაფერი რაც შენგან დამრჩა | ოზგური | |
| სერიალი | |||
| წელი | სათაური | როლი | სერიები |
| 2015–2016 | დიდებული საუკუნე: ქიოსემი | აჰმედ I, ოსმალეთის იმპერიის მე-14 სულთანი | 25 |
| 2014 | მე მქვია გულთეფი | სეიფი იაშარი | 8 |
| 2013–2014 | მე გეტყვით საიდუმლოს | ქივანჩ გუნდოღდუ | 29 |