ზემო ყარაბულაღის ეკლესია
ზემო ყარაბულაღის ეკლესია — X–XI საუკუნეების ქართული ხუროთმოძღვრების ძეგლი საქართველოში, ქვემო ქართლის მხარეში, დმანისის მუნიციპალიტეტის სოფელ ზემო ყარაბულაღში.
| ზემო ყარაბულაღი | |
 ზემო ყარაბულაღის ეკლესია 2019 წელს | |
.svg)  | |
ძირითადი ინფორმაცია | |
|---|---|
| გეოგრაფიული კოორდინატები | 41°25′01″ ჩ. გ. 44°05′52″ ა. გ. / 41.41694° ჩ. გ. 44.09778° ა. გ. |
| რელიგიური კუთვნილება | საქართველოს მართლმადიდებელი ეკლესია |
| ქვეყანა |  საქართველო |
| პროვინცია | ქვემო ქართლის მხარე |
| მუნიციპალიტეტი | დმანისის მუნიციპალიტეტი |
| მემკვიდრეობითი ადგილმდებარეობა | დმანისისა და აგარაკ-ტაშირის ეპარქია |
ხუროთმოძღვრების აღწერა | |
| ხუროთმოძღვრული სტილი | ბაზილიკა |
| თარიღდება | X-XI სს. |
ტაძარი დგას მდინარეების შავწყაროსწყლისა და თეთრწყაროსწყლის შესართავთან. გეგმით სწორკუთხა, ნახევარწრიული აფსიდით დასრულებული ერთნავიანი ეკლესია. შიგა სივრცე სიგრძივი კედლებიდან ძლიერ გამოშვერილი კედლის სვეტებით (პილასტრებით) გაყოფილია სამ ნაწილად. სვეტებს შორის გადაყვანილი ისრისებრი თაღები ქმნიან ღრმა უბეებს. ჩუქურთმებით ძუნწად მორთული ფასადები შემოსილია ბაზალტის ქვით, შიგა პირი – შერეული წყობით. სამხრეთ კარის თავზე ამოკვეთილ ასომთავრულ წარწერაში მოხსენიებულნი არიან დავით და კვირიკე მეფეები.
 | „ქ. ად(ი)დ(ე)ნ ღ(მერთმა)ნ დავით მეფ(ე) და კ(ვირიკ)ე მეფე[1]“ |
შენობის ზედა ნაწილს ემჩნევა შეკეთების კვალი. ირგვლივ სასაფლაო ყოფილა.
ეკლესიას 2006 წლის 7 ნოემბერს, საქართველოს პრეზიდენტის ბრძანებულების თანახმად მიენიჭა ეროვნული მნიშვნელობის კულტურის უძრავი ძეგლის კატეგორია.[2]
იხილეთ აგრეთვე
ლიტერატურა
- რჩეულიშვილი ლ., ზურტაკეტის ველის ხელოვნების ძეგლთა დახასიათების საკითხისათვის, ქართული ხელოვნების ისტორიის ნარკვევები, გვ. 34-42, თბ., 1994
- შუბითიძე ვ. ქართული ციხესიმაგრეები და ეკლესია-მონასტრები, გვ. 76, თბ., 2012,
- საქართველოს გამოჩენილი და საქმიანი ადამიანები, საქართველო, გვ. 184, თბ. 2015,
რესურსები ინტერნეტში
კულტურული მემკვიდრეობის პორტალი, № 6145
