კავკასიის გუბერნია
კავკასიის გუბერნია (რუს. Кавказская губерния; 5 მაისი, 1785 — 10 აგვისტო, 1822) — ადმინისტრაციულ-ტერიტორიული ერთეული რუსეთის იმპერიაში. ადმინისტრაციული ცენტრი გეორგიევსკი.
ისტორია
XVIII საუკუნე
1785 წლის 5 მაისს შეიქმნა კავკასიის სამეფისნაცვლო, რომელიც თავის მხრივ დაიყო ასტრახანის ოლქად და კავკასიის გუბერნიად[1]. ეს უკანასკნელი დაიყო 6 მაზრად:
- ალექსანდროვსკის მაზრა;
- გეორგიევსკის მაზრა;
- ეკატერინოგრადის მაზრა;
- მოზდოკის მაზრა;
- სტავროპოლის მაზრა;
- ყიზლარის მაზრა.
საგუბერნიო ქალაქად გამოცხადდა ქალაქი ეკატერინოგრადი.
1790 წლის 30 აპრილს გაუქმდა კავკასიის გუბერნია, ხოლო მისი მაზრები შეუერთდა ასტრახანის გუბერნიას[2].
XIX საუკუნე
1802 წლის 15 ნოემბერს 9 მაზრისაგან შემდგარი ასტრახანის გუბერნია გაიყო ორ — ასტრახანის და კავკასიის გუბერნიებად. ეს უკანასკნელი დაიყო 5 მაზრად[3][4]:
- ყიზლარის მაზრა
- მოზდოკის მაზრა
- გეორგიევსკის მაზრა
- ალექსანდროვსკის მაზრა
- სტავროპოლის მაზრა
საგუბერნიო ქალაქად გამოცხადდა გეორგიევსკი.
1822 წლის 10 აგვისტოს გუბერნიას ოლქის სტატუსი მიენიჭა და დაერქვა კავკასიის ოლქი, ხოლო ადმინისტრაციული ცენტრი გახდა სტავროპოლი[5].
1824 წლის 2 ოქტომბრის ბრძანებით წარმომადგენლობები გეორგიევსკიდან გადატანილ იქნა სტავროპოლში[6].