კუშჩის წმინდა გიორგის ეკლესია

კუშჩის წმინდა გიორგის ეკლესია — VI-VII საუკუნეების ეკლესია ქვემო ქართლში.

მდებარეობს წალკის მუნიციპალიტეტის სოფელ კუშჩის განაპირას, ჩრდილო-დასავლეთით. ეკლესია წმინდა გიორგის სახელობისაა და წარმოადგენს მცირე ზომის ერთნავიან ნაგებობას. ნავით სამხრეთით მთელ სიგრძეზე გასდევს სტოა, რომელიც ორი ღი ტაღით უკავშირდება გარე სივრცეს. მრგვალ მასიურ ბოძზე დაყრდნობილი თაღები ნალისებრი მოხაზულობისაა. დამახასიათებელია წვრილი თაღებით შედგენილი ლავგარდანი და ორნამენტული დეტალები, რომელთა პარალელები VI-VII საუკუნეების ძეგლებში მოიპოვება. კედლები ტლანქად დამუშავებული ქვისაა, მხოლოდ კუთხეების, თაღებისა და სარკმელებისთვის ნახმარია კარგად გათლილი კვადრები.