მწვანე ძურწა

მწვანე ძურწა^[1] (ლათ. Setaria viridis) — მცენარე მარცვლოვანთა ოჯახისა. საგაზაფხულო ერთწლოვანი მარცვლოვანი სარეველა. აქვს ფუნჯა ფესვთა სისტემა. გაღივების მინიმალური ტემპერატურაა 6–8 °C, ოპტიმალური 20–30 °C. აღმონაცენი ჩნდება აპრილ-ივნისში (ივლის-აგვისტოში), ყვავილობს ივნის-სექტემბერში, ნაყოფიანობს ივლის-ოქტომბერში. მაქსიმალური ნაყოფიერება 2300 მარცვალი ერთ მცენარეზე, მოუმწიფებელ მდგომარეობაში თესლები ღივდება ნიადაგის 12–14 სმ სიღრმიდან, ცხოველმყოფელობას ინარჩუნებს არაუმეტეს 4 წლამდე. გვხვდება ნათესებში, ბაღებში, ბოსტნებში, სილნარ და ქვიშნარ ნიადაგებში.^[2]

მწვანე ძურწა
მეცნიერული კლასიფიკაცია
სამეფო:  მცენარეები განყოფილება:  ყვავილოვანი მცენარეები კლასი:  ერთლებნიანნი რიგი:  თივაქასრასნაირნი ოჯახი:  მარცვლოვანნი გვარი:  ძურწა სახეობა:  მწვანე ძურწა
ლათინური სახელი
Setaria viridis (L.) P.Beauv.
სისტემატიკა ვიკისახეობებში სურათები ვიკისაწყობში ITIS   41231 NCBI   4556 EOL   1114660 GRIN   t:33853 IPNI   1171009-2 TPL   kew-442790

საქართველოში გვხვდება ყველგან.^[3] ქართლ-კახეთში ცნობილია როგორც ძურწაბალახი, ზემო იმერეთში – ღომფეტვა, ურნაველის ბალახი, რაჭაში – ღომა, ლეჩხუმში – ღომისთავა. ჭანურად ეწოდება მტკუი ქურუმი.^[1]