ტეფნახტ I

შეპსესრე ტეფნახტი (ასევე ტეფნახტი, ტეხნადისი, ტნეფჰაქთოსი) — ძველი ეგვიპტის მეფე (ფარაონი) ოცდამეოთხე დინასტიიდან, რომელიც მეფობდა მესამე გარდამავალი პერიოდის დროს. ტეფნახტმა 7 წელი იმეფა, მისი მმართველობა დაიწყო ძვ.წ. 732 წელს და დასრულდა ძვ.წ. 725 წელს. ფარაონის ტიტულამდე ტეფნახტი იწოდებოდა, როგორც „დასავლეთის დიდი მეთაური“ და „საისის პრინცი“, მოგვიანებით ძალაუფლებით ოცდამეორე დინასტიის უკანასკნელ ფარაონს ოსორკონ IV-ს გაუტოლდა. ტეფნახტი ფაქტობრივად საისის მეორე მმართველი იყო.