ხბოშუბლა

ხბოშუბლა
	;
მეცნიერული კლასიფიკაცია
სამეფო:	მცენარეები
კლასი:	ორლებნიანნი
ოჯახი:	პარკოსნები
ლათინური სახელი
	Galega
ITIS	26705
NCBI	47100
EOL	27833
IPNI	22459-1

ხბოშუბლა (ლათ. Galega) — მცენარეთა გვარი პარკოსანთა ოჯახისა. მრავალწლოვანი ბალახებია. მათი სიმაღლე 50-80 სმ აღწევს.

6 სახეობა გავრცელებულია ევროპაში, აღმოსავლეთ აფრიკაში. საქართველოში გვხვდება ხბოშუბლას 2 სახეობა: აღმოსავლური ხბოშუბლა (ლათ. Galega orientalis), გამოირჩევა კაშკაშა მოლურჯო-იისფერი ყვავილით.

საქართველოში იზრდება ტყეში, ტყის პირებზე, სუბალპურ მდელოებზე. თაფლოვანი და საქონლის საკვები მცენარეა. სამკურნალო ხბოშუბლას (ლათ. Galega officinalis) ცისფერი ყვავილები აქვს. დაყვავილების შემდეგ საქონელი აღარ ჭამს. იყენებენ ხალხურ მედიცინაში. შეიცავს ალკალოიდ გალეგინს და გლუკოზიდ გალუთეოლინს. იზრდება ტენიან ადგილებზე, მდინარეთა ნაპირებსა და ტყის პირებზე.

ლიტერატურა

გურგენიძე მ., ქართული საბჭოთა ენციკლოპედია, ტ. 11, თბ., 1987. — გვ. 449-450.