ჯაია ბაჩანი (ქალიშვილობის გვარი ბჰადური. დ. 9 აპრილი 1948, ჯაბალპური, მადჰია-პრადეში, ინდოეთი) —- ცნობილი ინდოელი მსახიობი, სცენარისტი, პროდიუსერი და პოლიტიკოსი. ამჟამად არის რაჯია საბჰას პარლამენტის წევრი სამაჯვადის პარტიიდან. სამჯერ ბოლივუდის პრესტიჟული Filmfare Award პრემიის ლაურეატი ქალის როლის საუკეთესო შესრულებისათვის და სამჯერ — ქალის მეორეხარისხოვანი როლის საუკეთესო შესრულებისათვის.[1][2][3]
ჯაია ბაჩანი დაიბადა ბენგალელთა ოჯახში 1948 წლის 9 აპრილს, კოლკატაში, ინდოეთი. მამა—-ტარუნ კუმარ ბჰადური, ჟურნალისტი, მწერალი, მხატვარი. დედა—-ინდირა ბჰადური. მეუღლე-ამიტაბჰ ბაჩანი,ცნობილი მსახიობი. შვილები—-შვეტა და აბჰიშეკ ბაჩანები.
ჯაიამ სამსახიობო კარიერა დაიწყო პატარა როლით 1963 წელს გადაღებულ ფილმში "დიდი ქალაქი"აუდიტორიის გულები დაიპრყო ბენგალური ფილმით Dhannyi Meye, სადაც ასრულებდა მთავარი გმირის - უტამამა კუმარის დის როლს.კინოინსტიტუტში სწავლის პერიოდში შეასრულა გუდის როლი რიშიკეშ მუხერჯის მიერ ჰინდის ენაზე გადაღებულ ფილმში „გუდი“. როლის შესრულებით ჯაიამ შექმნა პიროვნება, რომელთანაც მთელი ქვეყნის მოსახლეობას შეეძლო საკუთარი თავის გაიგივება.
„გუდის“ წარმატების შემდეგ ჯაია მიიწვიეს იდენტური როლების შესასრულებლად ფილმებში: Uphaar, Jawani Diwani, Anamika. მსახიობი ცდილობდა იმიჯის შეცვლას ფილმების საშუალებით: „გადალახვა“და „სუფთა ფურცელი“, რის გამოც მსახიობს „სარიში გახვეული კონსერვატორი ქალბატონი“ უწოდეს.
ჯაიას შეუყვარდა ამიტაბჰ ბაჩანი, რომელიც იმ დროს ჯერ მხოლოდ ცდილობდა" მზის ქვეშ ადგილის დამკვიდრებას". მასთან გააფორმა ოთხი პროექტი: Ek Nazar, Bansi Birju, „გაჭიანურებული საზღაური“ და „სიამაყე“, რომლებიც მისი ვარსკვლავური მიმზიდველობის წყალობით გაიყიდა. ამავე დროს, აღმავლობის გზაზე მყოფმა მსახიობმა მიატოვა კარიერა და ამიტაბჰს გაჰყვა ცოლად. 1975 წელს ფილმის „შურისძიება და კანონი“გადაღებისას ჯაია უკვე ფეხმძიმედ იყო, რის გამო გადაღებებში მონაწილეობაზე უარი თქვა და ბავშვების აღზრდით დაკავდა.
1981 წელს, როდესაც მისი მეუღლე აღმოჩნდა კინოკარიერის მწვერვალზე და გაჩნდა ჭორები ოჯახური ღალატის შესახებ, ჯაია ბაჩანი დაუბრუნდა დიდ ეკრანს (მხოლოდ ერთი ფილმით). მან ამიტაბჰ ბაჩანთან და რეკჰასთან ერთად ითამაშა ფილმში „სასიყვარულო კავშირი“.
დიდი ხნის განმავლობაში ჯაია აღარ მონაწილეობდა კინოგადაღებებში. ის აქტიურ სოციალურ საქმიანობას ეწეოდა, ბავშვებისათვის ამზადებდა გადაცემებს, ამიტაბჰს ეხმარებოდა პროექტ ABCL განხორციელებაში. 1995 წელს წარმატებული ტელეპროდიუსერი და საბავშვო კინოსაზოგადოების წარმომადგენელი დაუბრუნდა კინოინდუსტრიას. მან შეასრულა მთავარი როლი გოვინდ ნიჰალანის ჰინდიზე შექმნილ ფილმში „დედამიწა“. ჯაია ბაჩანის ნამდვილი დაბრუნება კინოში მოხდა ინდურ კრიმინალურ დრამაში შესრულებული როლით „ძმის ძიებაში“. მსახიობს კვლავ დაუბრუნდა პოპულარობა და წარმატება.
ამჟამად ჯაიას კვლავ იწვევენ ფილმებში, მაგრამ ყველაზე მეტად მას პოლიტიკური ცხოვრება აინტერესებს (ჯაია - ინდოეთის პარლამენტის წევრია).[4][5][6]
მსახიობს მრავალი ჯილდო აქვს მიღებული, მათ შორის უმთავრესია სპეციალური Life Time Achievement Award (1998), ჯილდო ინდურ კინემატოგრაფიაში შეტანილი განსაკუთრებული წვლილისთვის.