Тетрастигма
Тетрастигма (лат. Tetrastigma) – жүзім тұқымдасына жататын мәңгіжасыл шырмауық өсімдік. Оның 90-ға жуық түрлері белгілі. Олар негізінен Оңтүстік-Шығыс Азия мен Солтүстік Австралияда кездеседі. Бірақ тетрастигманың Вьетнамда өсетін бір ғана түрі ғылыми тұрғыдан зерттелген. Оның ең басты бағалы қасиеті ұзын, жасыл сабақтары мен ерекше пішінді жапырақтарында. Үй жағдайында тетрастигма мүлдем гүлдемейді деуге болады. Жылыжайлар мен оранжереяларда жақсы өседі. Тетрастигма тез өсетін гүл. Дұрыс күтім жасалса, бір жылдың ішінде бірнеше метр биіктікке жетеді әрі көлемі де ұлғая түседі.
| Тетрастигма | ||||||||||||||
|---|---|---|---|---|---|---|---|---|---|---|---|---|---|---|
 Tetrastigma voinierianum | ||||||||||||||
| Ғылыми топтастыруы | ||||||||||||||
| ||||||||||||||
| түрлері | ||||||||||||||
90 - 100 түрі белгілі |
Жарығы:
Күн жақсы түсетін жерлерді ұнатады, алакөлеңкеде де өсе береді.
Жылуы:
Қыста температура 12°С төмендемегені дұрыс.
Суғарылуы:
Молынан суғару керек, бірақ мөлшерден артық су құймауды қадағалаған жөн. Қыста сирек суғарылады.
Ылғалдылығы:
Уақтылы сабақтарына су бүркіп тұру қажет.
Қоректендірілуі:
Минералды, органикалық және азотты тыңайтқышпен қоректендіру керек.
Аурулары:
Ауаның құрғақ болуынан жапырақтарының ұшы сарғайып, қоңырқай тартып кетеді.
Көбейтілуі:
Көктемнен күзге дейін қалемшелері арқылы көбейтуге болады.
Сілтемелер
- Гүлстан, өсімдіктер туралы сайт Мұрағатталған 20 ақпанның 2012 жылы.
Дереккөздер
"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727