GOT7

GOT7 - JYP Entertainment компаниясының қолдауымен 2014 жылы құрылған Оңтүстік Кореяның жігіттер тобы. Топ құрамында Америкадан, Таиландтан, Гонконгтан бағын сынауға келген жігіттер бар. GOT7 жігіттер тобының басты ерекшелігі JYP Entertainment компаниясында 6 жыл бұрын өз күштерін көрсете білген 2PM жігіттер секілді биге акробаттық қимылдар қосады. Топ құрамына 2012 жылы танымал болған JJ Project дуэті кіреді. Сахнаға шықпас бұрын топ құрамындағы американдық,алайда қытайлық тамыры бар Марк,тайлық Кунпимук Бхувакуль,Гонконгтық Джексон және корейлік Югем "WIN: WHO IS NEXT?" бағдарламасына қатысқан болатын.

GOT7
GOT7 тобының құрамы
Негізгі ақпарат
Жанры	R&B, Хип-хоп
Белсенділік жылдары	2014 - қазіргі уақыт
Мемлекет	Оңтүстік Корея, Сеул
Лейблі	JYP
Топ құрамы	Марк И-Ен Туан Им Джебом Джексон Ван Пак Джинён Чхве Ёнджэ Конпимук Бувакуль Ким Югём
http://got7.jype.com/

Қаңтар айының 20-шы жұлдызында олардың Got it? атты бірінші мини альбомдары шығады. GOT7 тобы дебюттік альбоммен Billboard альбом чартына еніп, жоғарғы орындарды алған алғашқы K-POP тобы болып табылады. Сонымен қоса, альбом Gaon Album Chart чартында 2-ші орынды алады. GOT7 тобы 16-шы қаңтар күні girls girls girls атты синглдарымен M! CountDown шоуында дебют жасайды. Дебюттен кейін топ бірден Sony Music Entertainment компаниясымен келісім-шартқа отырып, Жапонияда тоғыз мың адам алдында шоукейс өткізді. Содан кейін топ Around The World атты синглмен Жапонияда дебют жасайды. Ал бір айдан кейін жігіттер Кореяға оралып, Identify деп аталатын бірінші студиялық альбомдарын ұсынды. Альбом шыға салысымен чарттарды бағындыра білді. 2015 жылы топ Just Right және Mad атты альбомдарын көпшілікке ұсынды. Бұл альбомдар топ карьерасындағы ең сәтті альбомдар деп атасақта болады, алайда бұл топтың кез келген альбомдары үздік. 2016 жылы талантты жігіттер Moriagatteyo деп аталатын алғашқы жапондық студиялық альбомдарын шығарды. Альбом сәтті болып, Oricon Album Chart чартының топ-3де болды. Наурыз айының 21-ші жұлдызында топ Flight Log: Departure атты 5-ші мини альбом, ал 27-ші қыркүйек күні Flight Log: Turbulence атты екінші студиялық альбомды ұсынады. Екі альбомда чарттардың шыңын бағындырып, сәтті шығады. Ал 2017 жылы олар Flight Log сериясын аяқтайын Flight Log: Arrival атты 6-ші мини альбомдарын ұсынады. 17-ші қазан күні жігіттер жанкүйерлеріне 7 for 7 альбомдарын ұсынады. Ал олардың 2018 жылы 12-ші наурыз шыққан Eyes On You альбомдары 300 мың көшірме сатып, рекорд жаңартады.

2021 жылдың қаңтар айына дейін топ кәрісше 4 студиялық, 11 мини, жапонша 1 студиялық, 4 мини альбом шығарған. 19 қаңтар күні GOT7 тобының барлық мембері JYP-ден шығып кетеді. Алайда, топ атын, әндерін, жекеменшік заттарын өздеріне қалдырады.