ಒಂದು ವಿಚ್ಛೇದನ

ಹದಿನಾಲ್ಕು ವರ್ಷದ ದಾಂಪತ್ಯದ ಜೀವನ ನಡೆಸುತ್ತಿರುವ ನದೇರ್ ಹಾಗೂ ಸಿಮಿನ್ ರವರಿಗೆ ತರ್ಮೆಹ್ ಎಂಬ ಹನ್ನೊಂದು ವರ್ಷದ ಮಗಳಿದ್ದಾಳೆ. ಇರಾನಿನ ತೆಹ್ರಾನ್ ನಲ್ಲಿ ಮಧ್ಯಮವರ್ಗದ ಜೀವನ ಸಾಗಿಸುತ್ತಿರುವ ಇವರು ಸದ್ಯಕ್ಕೆ ವಿಚ್ಛೇದನ ಸಲ್ಲಿಸಿದ್ದಾರೆ. ಅಲ್ಝೇಮಿರ್ ಎಂಬ ಖಾಯಿಲೆಯಿಂದ ಬಳಲುತ್ತಿರುವ ನದೇರ್‍ನ ತಂದೆಯು ತಮ್ಮ ಬಳಿ ವಾಸಿಸುವುದು ಸಿಮಿನ್‍ಗೆ ಇಷ್ಟವಿಲ್ಲ. "ತನ್ನ ಮಗ ಯಾರೂ ಎಂಬುದನ್ನು ಅರಿಯಲಾಗದವನನ್ನು ಜೊತೆಗಿಟ್ಟುಕೊಂಡು ಶುಶ್ರೂಷೆ ಮಾಡುವುದಾದರೂ ಏಕೆ?" ಎನ್ನುವುದು ಅವಳ ವಾದ. "ಆದರೆ ನನನಗೆ ಗೊತ್ತಲ್ಲಾ ಅವನು ನನ್ನಪ್ಪ ಅಂತ?" ಎಂದು ಪ್ರಶ್ನಿಸುತ್ತಾನೆ ನದೇರ್. ಇದು ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸುವಾಗಿನ ಸಂಭಾಷಣೆ. ಹೀಗೆ ಶುರುವಾಗು ಕಥೆ, ಸಿಮಿನ್ ಹೊರ ಹೋದಾಗ ನದೇರ್‍ನ ಮಗಳು ಮತ್ತು ತಂದೆಯೊಡಗಿನ ಜೀವನ, ಕೆಲಸದವಳೊಂದಿಗಿನ ಜಗಳ, ಗರ್ಭಪಾತ, ಸತ್ಯ, ಸುಳ್ಳು ಹೀಗೆ ಬೆಳೆಯುತ್ತಾ ಹೋಗುತ್ತದೆ.

ಎಲ್ಲಿಯ ಬಗ್ಗೆ ಎಂಬ ಚಿತ್ರದ ಯಶಸ್ಸಿನ ಕಾರಣದಿಂದಾಗಿ ಫರ್ಹಾದಿಯವರೇ ಚಿತ್ರವನ್ನು ನಿರ್ಮಿಸಲು ಸಾಧ್ಯವಾಯಿತು."ಮೋಷನ್ ಪಿಕ್ಚರ್ ಅಕಾಡೆಮಿ"ಯ ಎಎಸ್‍ಎಪಿ ವಿಭಾಗವು $೨೫,೦೦೦ ದೇಣಿಗೆಯನ್ನು ನೀಡಿತು.

ಚಿತ್ರವು ೯ ಫೆಬ್ರುವರಿ ೨೦೧೧ ರಂದು ಫಜ್‍ರ್ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಬಿಡುಗಡೆಯಾಯಿತು. ನಂತರ ೬ ದಿನಗಳ ನಂತರ ಬರ್ಲಿನ್ ಅಂತರಾಷ್ಟ್ರೀಯ ಚಿತ್ರೋತ್ಸವದಲ್ಲಿ ಪ್ರದರ್ಶನಗೊಂಡಿತು.