Corpus mammillare

Cave: notitiae huius paginae nec praescriptiones nec consilia medica sunt.

Corpora mammillaria

Situs corporum mammillarium humanorum basi cerebri.

TA:	A14.1.08.402

Corpora mammillaria (TA: A14.1.08.402), rarius corpora mamillaria, sunt intra cerebrum duae parvae structurae colliculoformes pariter basi cerebri locata. Ea ob profectionem eorum utrumque corpus mammillare est pars diencephali medialis, quamquam ob functionem systemati lymbico intra circulum Papez eiusdem lateris attributum.

Functio corporum mammillarium est collatio gubernationis memoriae^[1] et, iam antea propositum, motuum animi^[2].

Alcoholismi chronici ope corpora mammillaria detrimentum capere solent.

Anatomia

Utrumque corpus mammillare est pars diencephali, in medio basis cerebri visibile. Infundibulum anterius, posterius pons trunci cerebri iacent. Utroque corpori mammillari duo nuclei insunt: maior eminentiam notabiliorem mammillosam perficiens nucleus medialis atque minor nucleus lateralis.

Nucleus tuberomammillaris non est pars corporis mammillaris sed hypothalami.

Physiologia

Corpora mammillaria sunt partes intra circulum Papez.

Circulus Papez

Afferentes tractus nervales per fornices ab utroque hippocampo influunt. Insuper alia afferentia de origine nucleorum tegmentalium (Gudden) adsunt. Efferentia ad nucleos anteriores thalami (tractus mammillothalamicus)^[3] et nucleos tegmentales (tractus mammillotegmentalis) effluunt.

Tractus mammillotegmentalis

Uterque tractus mammillotegmentalis, sensu stricto non pars circuli Papez, ab corpore mammillari oriens, primum post comissuram ascendit, deinde in mesencephali tegmentum descendit^[4].

Detrimentum alcoholismo chronico

Functione memoriae causa detrimentum corporum mammillarium deminutionem memoriae, amnesiam, efficiant. Ob defectionem thiamini (vitamini B₁) fibrae nervales degenerant^[5]. Nomen morbi cum memoriae deminutione, amnesia anterograda et retrograda, confabulationibus, apathia, penuria introspectionis vocatur syndroma Korsakov alcoholica.