Carolus Puigdemont
Carolus Puigdemont, vulgo plenius Carles Puigdemont i Casamajó (natus in oppido Amer die 29 Decembris 1962) est politicus, diurnarius, et editor, qui Cataloniae secessioni ab Hispania favet.
Carolus Puigdemont
Editor principalis diarii El Punt et director Catalonia Today diarii Anglice editi operam dedit. Legatus est apud Parlamentum Catalauniense ab anno 2006. Magister civium urbis Gerundae meruit ab anno 2011 usque ad 2015. Die 10 Ianuarii 2016 praeses generalitatis Catalauniae electus est, successor Arthuro Mas. Die 14 Ianuarii Radulphus Romeva minister rerum externarum generalitatis promotus est. Suffragio de separatione Catalauniae die 1 Octobris 2017 habito sed non legitimo, parlamentum Catalaunense, duce Carolo Puigdemont, die 27 Octobris libertatem declaravit. Ergo Puigdemont, perduellionis accusatus, die 30 Octobris in Belgicam fugit.
Vita privata
Marcelam Topor diurnariam Romanianam anno 2000 duxit.[1] Eis sunt duae filiae, Magali et Maria, et omnes Gerundae rite habitant.[1][2] Piugdemont Catalanice, Anglice, Francogallice, Romanice, Hispanice loquitur.[3][4] Turmis Girona FC et FC Barcelona favet, ac cithara rockica et clavili electrico ludit.[5][6] Iuvenis cithara bassa in grege rockico Catalonico circa 1980 ludebat.[6]
Notae
Bibliographia
- Minder, Raphael. 2017. "In Catalonia, an ‘Accidental’ Leader of Unwavering Conviction." New York Times, 28 Septembris 2017.
- Musseau, François. 2016. "Carles Puigdemont, le boutefeu catalan." Libération, 11 Ianuarii 2016.
- Puigdemont, Carles, cum Olivier Mouton. 2018. La crise catalane: une opportunité pour l'Europe. Bruxellis: Racine. ISBN 9789401453875.
- Puigdemont, Carles, cum Xevi Xirgo. 2020. M'explico: de la investidura a l'exili (2016-2017). Barcinonae: La Campana. ISBN 9788416863914.
- Ríos, Pablo. 2017. Presidente Puigdemont: en principio, si. Barcinonae: Roca Editorial de Libros. ISBN 9788494718472, ISBN 8494718479.
- Tremlett, Giles. "Catalonia's separatist government will struggle to break stalemate with Spain." The Guardian, 11 Ianuarii 2016.
Nexus externi
 | Vicimedia Communia plura habent quae ad Carolum Puigdemont spectant. |
- Vita Caroli Puigdemont. Parlamentum Catalonicum.
- Vita Caroli Puigdemont. Parlamentum Europaeum.
- "Generalitat de Catalunya: Govern de la República."
 | |
Franciscus Macià i Llussà • Ludovicus Companys • Iosephus Irla • Iosephus Tarradellas • Georgius Pujol • Paschalis Maragall • Iosephus Montilla • Arthurus Mas • Carolus Puigdemont • Ioachimus Torra • Petrus Aragonès Capsae cognatae: Primi ministri Hispaniae 1931–1976 • Primi ministri Hispaniae 1976– | |
