Marcus Livius Drusus (consul 112 a.C.n.)
Marcus Livius Drusus (natus saeculo 2 a.C.n., mortuus anno 108 a.C.n.) vir publicus Romanus fuit.
Gens
Pater eius eiusdem nominis clarus iuris peritus erat[1]. Filius eius Marcus Livius Drusus anno 91 a.C.n. tribunus plebis erat. Filia Livia Quinto Servilio Caepioni nupsit.
Cursus honorum
Anno 122 a.C.n. tribunus plebis electus iussu senatus consilia Gaii Sempronii Gracchi collegae obstruxit, cum XII colonias novas deducendas postulavit. Ita Gracchus noniam tribunus in annum 121 electus est[2]. Anno 115 aut antea praetor urbanus fuit. Anno 112 una cum Lucio Calpurnio Pisone Caesonino consul electus Macedoniam accepit provinciam atque feliciter contra Scordiscos pugnavit[3]. Anno 110 a.C.n. de eis triumphavit. Anno 109 una cum Marco Aemilio Scauro censor electus anno 108 a.C.n. hoc magistratu fungens mortuus est et collega a magistratu se abdicare coactus est. Magnas divitias filio hereditate tradidit[4].
Bibliographia
- Carolus-Ludovicus Elvers, "[I 6] L. Drusus, M." in Der Neue Pauly vol. 7 (Stutgardiae: Metzler, 1999. ISBN 3-476-01477-0) col. 370.
Notae
| Antecessores: Gnaeus Papirius Carbo et Gaius Caecilius Metellus Caprarius | Consul 112 a.C.n. cum Lucio Calpurnio Pisone Caesonino | Successores: Publius Cornelius Scipio Nasica Serapio et Lucius Calpurnius Bestia |