Thomas Thabane
Thomas Motsoahae Thabane (Maseru in urbe natus die 28 Maii 1939) est politicus Lesothi.
Alumnus est universitatis Africae Australis.[1] Secretarius principalis a valetudine fuit usque in annum 1986, primo ministro Leabua Jonathan. Quo a militibus deposito, minister a rebus externis ab 1990 usque in annum insequentem fuit, principe Iustino Lekhanya. Democratia restituta, primo ministro Pakalitha Mosisili, Thomas Thabane sodalis congressus democratici Lesothensis minister a rebus externis a mense Iunio 1998, minister a rebus internis ab Iunio 2002, minister a communicatione et scientia ab 2004 meruit, sed die 9 Octobris 2006 a regimine abscedit factionemque novam, scilicet conventum omnium Basotho condidit. Huius factionis dux, comitiis victor, primus minister patriae a die 8 Iunii 2012 usque ad 30 Martii 2015 (tribus diebus exceptis) iterumque a die 16 Iunii 2017 fuit. Mense Aprili 2015 ad Africam Australem fugerat ibique usque in Februarium 2017 manserat.
Notae
Bibliographia
- "Accusé du meurtre de son ex-femme, le premier ministre du Lesotho devant la justice" in Le Monde Afrique (25 Februarii 2020)
- "Incoming Lesotho Prime Minister's wife shot dead: police" (15 Iunii 2017) apud Reuters
Nexus externi
 | Vicimedia Communia plura habent quae ad Thomam Thabane spectant. |
 | |
Sekhonyana Nehemia Maseribane • Leabua Jonathan • Iustinus Lekhanya • Elias Phisoana Ramaema • Ntsu Mokhehle • Hae Phoofolo • Ntsu Mokhehle • Pakalitha Mosisili • Thomas Thabane • Pakalitha Mosisili • Thomas Thabane • Moeketsi Majoro • Samuel Matekane Capsae cognatae: Reges Lesothi | |
