Zygaenidae

Zygaenidae^[1] sunt familia papilionum. Plurimae sunt tropicae, sed multae nihilominus in regionibus temperatis habitant. Sunt circa mille species, quarum nonnullae in variis linguis vulgaribus ex numero macularum in alis adultorum appellantur.

Zygaena trifolii

Animalia — Arthropoda

Classis : Insecta
Ordo : Lepidoptera
Apoditrysia
Superfamilia : Zygaenoidea
Familia : Zygaenidae
Latreille, 1809

Subdivisiones: Subfamiliae

*Callizygaeninae

Chalcosiinae
Phaudinae
Procridinae
Zygaeninae

Quadraginta tres zygaenidarum Australianarum species ad tribum Artoninos subfamiliae Procridinarum pertinent. Sola species non endemica in Australia est Palmartona catoxantha, pestis Asiana Meridio-Orientalis.^[2]

Descriptio

Zygaenidae usitate interdiu volitant, lente trepidantes. Eis sunt antennae aliquantulum claviformes, colores "metallici," et saepe praestantes maculae rubrae vel flavae. Colores vividi praedatores monent hos papiliones esse iniucundos quia cyanidum hydrogeni (HCN) per omnes vitae stationes continent. Eae, dissimiles plurimorum insectorum quibus sunt talia toxina^?, glucosida^? ex Loto comeso adipiscuntur, quibus se defendentes utuntur.^[3] Possunt autem HCN efficere, et in circumiectu qui plantis HCN-efficientibus caret id ipsae synthesizant.^?^[4] Eis sunt multiplices imitationis in his toxinis conditi.^[5]

Larvae sunt pingues et aliquando planae. Carnosa thoracis extensio caput contegit. Plurimae plantis herbaceis vescuntur, sed aliquae in arboribus vescuntur. Larvis duarum subfamiliarum, Chalcosiinarum et Zygaeninarum, sunt foramina in quibus cyanidum coacervant, quod se defendentes guttis exsudant.^[6]