Dëschtennis

Dëse Sportsartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Dëschtennis, och als Ping-Pong bekannt, ass eng Sportaart bei där zwéin oder véier Spiller e liichten, huele Ball mat enger Dëschtennisrackett iwwer en Dësch mat engem Netz schloen.

Dëschtennis
Ping-Pong
Dëschtennis-Weltmeeschterschaft 2013, Paräis. De Kenta Matsudaira géint de Vladimir Samsonov an der Aachtelfinall am Hären-Eenzel.
Typ	Ballsportaart, Rackettspill, Olympesch Sportaart
Olympesch Sportaart	zënter 1988
Federatioun
International	International Table Tennis Federation
Lëtzebuerg	Fédération luxembourgeoise de tennis de table
Ursprong
Ursprongsland	England
Aner Informatiounen
Spiller (Minimum)	2
Spiller (Maximum)	4
Aktuelle Weltmeeschter ♂	Fan Zhendong (2023)
Aktuelle Weltmeeschter ♀	Sun Yingsha (2023)

Dëschtennis gëtt op engem matte gréngen oder bloen, och alt emol engem schwaarzen Dësch gespillt, op deem e Filet d'Spillfeld an zwou Hallschenten deelt. Den Dëschtennisball ass gemenkerhand wäiss (seelen orange), besteet aus Plastik (fréier Zelluloid), weit 2,7 g an huet en Duerchmiesser vu 40 mm. All Spiller huet eng Dëschtennisrackett déi op enger Säit schwaarz an op der anerer Säit entweeder gréng, rosa, hellblo oder mof ass. D'Rackett gëtt mam Shakehand-Grëff oder - haaptsächlech an Asien - am Penholder-Stil am Grapp gehalen.

• 
  Virhand a Réckhand am Penholder-Stil
• 
  Shakehand-Grëff (Virhand)

Kompetitioune ginn am Eenzel, Duebel oder Gemëscht gespillt. E Saz ass eriwwer soubal ee Spiller eelef Punkten an op d'mannst zwéi Punkte Virsprong huet. All Spiller huet zwéin Opschléi (Servicen) hannerteneen, duerno wiesselt d'Opschlagrecht. E Match geet am Normalfall iwwer dräi Gewënnsätz („Best-Of-Five“), bei groussen Tournoie gëtt iwwer véier Gewënnsätz („Best-of-Seven“) gespillt.