Teniludium mensale

Teniludium mensale^[1][2] est genus athleticum, cuius ratio est teniludio similis, sed in mensa luditur pilā leviore et malleis minoribus. Et binis lusoribus et quaternis (bini in quaque turma) ludi potest. Teniludio mensali in ludis olympicis inde ab Olympiis anni 1984 certatur. Praesertim genus athleticum populare est in Sinis et Iaponia; quippe lusores Sinenses in quibusque ludis Olympicis pluribus nomismatibus laudati sunt quam lusores ullius aliae terrae.