Donna Summer

D'Donna Summer, gebuer den 31. Dezember 1948 zu Boston, Massachusetts a gestuerwen de 17. Mee 2012 a Florida, fir richteg LaDonna Adrian Gaines^[1] war eng US-amerikanesch Sängerin a Lidderautuer.

Donna Summer
Gebuertsnumm	LaDonna Adrian Gaines
Gebuer	31. Dezember 1948 Boston
Gestuerwen	17. Mee 2012 Naples
Doudesursaach	Longekriibs
Nationalitéit	USA
Aktivitéit	Sänger, Lidderschreiwer, Komponist, Discographesche Kënschtler, Museker, Schauspiller
Famill
Kanner	Brooklyn Sudano, Amanda Sudano

D'Donna Summer ass virun allem bekannt fir hir Disco-Pop-Lidder (Enn 1970er, uganks 1980er Joren). Zesumme mat de Produzenten Giorgio Moroder a Pete Bellotte huet si de sougenannte „Munich-Disco“-Stil entwéckelt. Zu hire bekanntste Succèse gehéieren I'd love to love you baby (1975; méi gekeimt wéi gesongen), Hot stuff, On the radio, She works hard for the money, Bad girls an I feel love (1977, e Virleefer vun der Technomusek). Weltwäit huet si eng geschaten 130 Millioune Schallplacke verkaaft^[2].

Am Ufank vun hirer Carrière huet si an Europa gelieft, wuer se hikomm war, fir beim Musical Hair matzemaachen, an huet do virun allem an Däitschland gelieft,^[3]. Si war och vun 1972-1974 Member vun der Grupp Family Tree, bei där och d'Monique Melsen dobäi war. 1976 ass si hannescht an d'USA geplënnert.