டோனா சம்மர்

டோனா அட்ரியன் கெய்ன்ஸ் டிசம்பர் 31, 1948 அன்று பாஸ்டன், மாசசூசெட்ஸில் ஆண்ட்ரூ மற்றும் மேரி கெய்ன்ஸ் ஆகியோருக்குப் மூன்றாவது குழந்தையாக பிறந்தார்.^[3] அவர் மிஷன் ஹில்லில் வளர்ந்தார். அவரது தந்தை ஒரு கசாப்புக் கடைக்காரர், மற்றும் அவரது தாயார் ஒரு பள்ளி ஆசிரியர்.^[4]அவர் பாஸ்டனின் ஜெரேமியா இ. பர்க் உயர்நிலைப் பள்ளியில் பயின்றார், அங்கு அவர் பள்ளி இசை நிகழ்ச்சிகளில் பங்கேற்று பிரபலமாகக் கருதப்பட்டார்.^[4]

1967 இல், பட்டப்படிப்புக்கு சில வாரங்களுக்கு முன்பு, சம்மர் நியூயார்க் நகரத்திற்குச் சென்றார், க்ரோ என்ற சைகடெலிக் ராக் இசைக்குழுவின் முன்னணி பாடகராக ஆனார். சம்மர் நியூயார்க்கில் தங்கி எதிர் கலாச்சார இசையான ஹேர் இல் ஒரு பாத்திரத்திற்காக ஆடிஷன் செய்தார். அவர் நிகழ்ச்சியின் மியூனிக் தயாரிப்பில் நடிக்க ஒப்புக்கொண்டார். ஆகஸ்ட் 1968 இல் அவரது பெற்றோரின் தயக்கத்துடன் ஒப்புதல் பெற்ற பிறகு அங்கு சென்றார்.^[4] அங்கு, அவர் இசை தயாரிப்பாளர்களான ஜியோர்ஜியோ மொரோடர் மற்றும் பீட் பெல்லோட் ஆகியோரை சந்தித்தார், மேலும் அவர்கள் லவ் டு லவ் யூ பேபி மற்றும் ஐ ஃபீல் லவ் போன்ற டிஸ்கோகளை ஒன்றாக பதிவு செய்தனர். அவர் ஜெர்மன் மொழியில் சரளமாகி, அந்த மொழியில் பல்வேறு பாடல்களைப் பாடி, இசை நிகழ்ச்சிகளில் பங்கேற்றார். பிறகு அவர் ஆஸ்திரியாவின் வியன்னாவுக்குச் சென்று, வியன்னா வோல்க்சோப்பரில் சேர்ந்தார். தயாரிப்பாளர் "யோகி" லாக்கின் ஃபேமிலி ட்ரீ என்ற குழுவுடன் அவர் சுருக்கமாக சுற்றுப்பயணம் செய்தார். 1968 ஆம் ஆண்டில், சம்மர் டோனா கெய்ன்ஸாக தனது முதல் தனிப்பாடலை வெளியிட்டார். இது அக்வாரிஸ் என்ற தலைப்பின் ஜெர்மன் பதிப்பாகும்.^[5] 1969 இல், அவர் பிலிப்ஸ் ரெக்கார்ட்ஸில் இஃப் யூ வாக்கிங் அலோன் என்ற தனிப்பாடலை வெளியிட்டார்.^[5]

சம்மர் 1976 இல் அமெரிக்காவிற்குத் திரும்பினார்.^[6] சம்மர் தனது வாழ்நாளில் அமெரிக்க பில்போர்டு ஹாட் 100 இல் இடம்பெற்ற 32 பாடல்கள் அடங்கும். அமெரிக்க பில்போர்டு 200 தரவரிசையில் மூன்று தொடர்ச்சியான முதலிடத்தை எட்டிய ஆல்பங்கள் கொடுத்த முதல் கலைஞரானார்.

அவர் 1973 இல் ஆஸ்திரிய நடிகரான ஹெல்முத் சோமரை மணந்தார், மேலும் அதே ஆண்டில் அவர்களது மகள் நடாலியா பியா மெலனி "மிமி" சோமர் பிறந்தார்.^[7] மேலும் 1972 இல் ஹெல்முத் சோமருடன் காட்ஸ்பெல் நிகழ்ச்சியின் போது "கெய்ன் பியர்" என்ற பெயரை பயன்படுத்தினார்.^[5] அவர்களது திருமணம் பின்னர் விவாகரத்தில் முடிந்தது, மேலும் அவர் 1980 இல் பாடகர்-கிதார் கலைஞர் புரூஸ் சுடானோவை மணந்தார்.^[8]அவர்களுக்கு புரூக்ளின் சுடானோ மற்றும் அமண்டா சுடானோ என்ற இரண்டு மகள்கள் உள்ளனர்.^[9]

அவர் மே 17, 2012 அன்று, 63 வயதில், புளோரிடாவின் நேபிள்ஸில் உள்ள தனது வீட்டில், நுரையீரல் புற்றுநோயால் காலமானார்.^[10][11] அவர் புகைப்பிடிக்காதவர்.^[12] நியூயார்க் நகரில் செப்டம்பர் 11 தாக்குதல்களில் இருந்து நச்சுப் புகை மற்றும் தூசியை உள்ளிழுத்தன் மூலம் புற்றுநோய் ஏற்பட்டது என்று சம்மர் கருதினார். தாக்குதல்கள் நடந்தபோது அவர் அருகிலுள்ள தனது குடியிருப்பில் இருந்தார்.^[13][14] இருப்பினும், சில அறிக்கைகள் அவரது இளமை பருவ புகைபிடித்தல் புற்றுநோய்க்கு காரணம் என்று கூறுகின்றன.^[15][16]